Գիտնականները պատմել են, թե երբ է Հյուսիսային Սառուցյալ օվկիանոսը սկսել տաքանալ
Մասնագետները վերականգնել են ջրի ջերմաստիճանի փոփոխությունները Ֆրամ նեղուցում, որը գտնվում է Գրենլանդիա կղզու եւ Շպիցբերգեն արշիպելագի միջեւ։ Գիտնականների միջազգային խմբի ուսումնասիրությունը ցույց է տվել, որ Հյուսիսային Սառուցյալ օվկիանոսը դեռեւս 20-րդ դարի սկզբին է սկսել տաքանալ։ Այս մասին գրում է «Աշխարհի շուրջը» ճանաչողական պորտալը՝ հղում անելով EurekAlert-ին։
Օգտագործելով ծովային միկրոօրգանիզմների մեջ հայտնաբերված քիմիական հետքերը՝ մասնագետները պարզել են, որ Հյուսիսային Սառուցյալ օվկիանոսը սկսել է արագ տաքանալ անցյալ դարասկզբին, երբ Ատլանտիկայից սկսել են հոսել ավելի տաք եւ աղի ջրեր: Այս երեւույթը նախորդել է ժամանակակից գործիքային չափումներով փաստագրված տաքացմանը:
1900 թվականից օվկիանոսի ջերմաստիճանը բարձրացել է մոտ 2 աստիճանով, այդ ընթացքում ծովի սառույցը նահանջել է, իսկ աղիությունը՝ աճել։
Հետազոտողները նշում են, որ աշխարհի բոլոր օվկիանոսները տաքանում են կլիմայի փոփոխության պատճառով, սակայն Հյուսիսային Սառուցյալ օվկիանոսը՝ ամենափոքրն ու սակավաջուրը, ամենաարագն է տաքանում: Մասնագետների կարծիքով՝ Արկտիկայում տաքացման տեմպերն ավելի քան երկու անգամ գերազանցում են համաշխարհային միջին ցուցանիշը։ Հյուսիսային Սառուցյալ օվկիանոսը հատկապես ակտիվորեն տաքանում է վերջին 20 տարիների ընթացքում։
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...