Հնդկաստանն ու Ռուսաստանը Լուսնի համատեղ յուրացումն են քննարկում
Հնդկաստանն ու Ռուսաստանը տիեզերքի համատեղ հետազոտության ոլորտում տարբեր նախագծեր են քննարկում, այդ թվում՝ Լուսնի յուրացումը։ Այս մասին շաբաթ օրը Նյու Դելիում ռուս լրագրողներին հայտարարել է Հնդկաստանում Ռուսաստանի դեսպան Նիկոլայ Կուդաշեւը, փոխանցում է ՏԱՍՍ-ը։
«Շատերը մտածում են Լուսինը համատեղ յուրացնելու մասին, սա նույնպես մեր փոխանակումների օրակարգում է։ Մենք ինչ-որ ձեւով մտածում ենք տիեզերակայաններ ստեղծելու մասին, դա դեռ պետք է մասնագիտորեն քննարկվի: Դժվար է ասել, թե ինչպես կլինի, բայց հարցը օրակարգում է։ Այս բոլոր թեմաները մինչեւ վերջերս աներեւակայելի էին: Էլ չենք խոսում այն մասին, որ Ռուսաստանը հպարտ է, որ Լուսնի եւ օդաչուավոր տիեզերագնացության յուրացման մեր փորձն օգտագործվում է հնդկական «Չանդրայան» եւ «Գագանյան» առաքելություններում, ասել է դեսպանը։
«Չանդրայանը» Լուսնի հետախուզման հնդկական ավտոմատ կայան է, իսկ «Գագանյանը» առաջին հնդկական օդաչուավոր տիեզերանավի նախագիծն է, որն առաջիկա տարիներին կմեկնի Երկրի ուղեծիր:
«Տիեզերքի ոլորտում երկու երկրները քննարկում են ոչ միայն շարժիչների մատակարարման, այլեւ համատեղ շարժիչների կառուցման, ծանր, թեթեւ եւ գերթեթեւ հրթիռների համատեղ մշակման, արբանյակների համատեղ ստեղծման հարցերը»,- ասել է Կուդաշեւը։
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...