Ադրբեջանի արտգործնախարարը ՎՈւԱՄ-ի գործընկերներից պահանջել է «ճնշում գործադրել Հայաստանի վրա»
Ադրբեջանի արտգործնախարար Ջեյհուն Բայրամովը ՎՈւԱՄ-ի իր գործընկերների հետ հանդիպման ժամանակ պահանջել է «ճնշում գործադրել Հայաստանի վրա»:
Բայրամովը հայտարարել է, որ «միջազգային հանրությունը պետք է ճնշում գործադրի Հայաստանի վրա, որպեսզի վերջինս հրաժարվի իր ռեւանշիստական մոտեցումներից եւ փոխարենը օգտվի կայուն խաղաղության եւ զարգացման հնարավորությունից»:
«Եռակողմ հայտարարությունների լիարժեք կատարմանը, պատերազմի բոլոր հետեւանքների վերացմանը եւ տարածաշրջանի բոլոր երկրների եւ ժողովուրդների բարեկեցիկ ապագայի կերտմանը այլընտրանք չկա»,- ադրբեջանական լրատվամիջոցները մեջբերել են նրա խոսքերը՝ հղում անելով Ադրբեջանի արտգործնախարարությանը:
Ադրբեջանի ԱԳՆ ղեկավարը նշել է, որ 2020 թվականի նոյեմբերի 10-ի համատեղ հայտարարությունից, ինչպես նաեւ 2021 թվականի հունվարի 11-ին ադրբեջանական, ռուսական եւ հայկական կողմերի եռակողմ հայտարարությունից հետո Ադրբեջանը, Հայաստանը եւ Ռուսաստանը տարածաշրջանում տրանսպորտային հաղորդակցության բացման համար սկսել են աշխատել որոշակի ոլորտներում:
«Հարաբերությունների վերսկսումը զգալիորեն կարագացնի առեւտուրն ու փոխադրումները Հայաստանի եւ Ադրբեջանի տարածքով, ինչը օգուտ կբերի ինչպես այս երկրներին, այնպես էլ գործընկերներին: Սա կդառնա հարաբերությունների կարգավորման կարեւոր գործոն եւ դրական դեր կխաղա տարածաշրջանում եւ դրանից դուրս խաղաղության եւ կայունության պայմանների ստեղծման գործում: Տարածաշրջանում հաղորդակցության վերականգմանը վերաբերող հարցերով եռակողմ աշխատանքային խումբը աշխատանքներ է սկսել կոնկրետ ուղղություններով: Թեեւ հաղորդակցության ուղիների բացումը կարող է առաջընթացի կարեւոր քայլ դառնալ, Հայաստանը խոչընդոտնել ստեղծելու եւ բանակցությունները հետաձգելու մարտավարությամբ փորձում է արգելափակել գործընթացը», - ասել է Ջեյհուն Բայրամովը:
Բայրամովը ընդգծել է, որ միջազգային իրավունքի կիրառումը խաղաղության, անվտանգության եւ զարգացման պայման է. «Ցավոք, ՎՈւԱՄ-ի անդամ երկրների տարածքներում երկարատեւ հակամարտությունները շարունակում են սպառնալիք հանդիսանալ խաղաղության եւ անվտանգության համար, եւ այդ հակամարտությունները պետք է լուծվեն ինքնիշխանության, տարածքային ամբողջականության եւ երկրների միջազգայնորեն ճանաչված սահմանների անձեռնմխելիության սկզբունքների հիման վրա»:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...