Թալիբները հայտարարել են, որ առաջիկա օրերին կգրավեն Փանջշերը
Աֆղանստանում իշխանությունը զավթած թալիբների շարժումն ակնկալում է գրավել Փանջշեր նահանգը, որտեղ թալիբների դեմ դիմադրություն կա, «մոտ օրերս», այն արդեն վերահսկում է նահանգի տարածքի 20 տոկոսը, «ՌԻԱ Նովոստի»-ին ասել է Թալիբանի ներկայացուցիչ Բիլալ Քարիմին:
«Փանջշերում մարտերը շարունակվում են, եւ իսլամական էմիրության մարտիկներն արդեն մտել են Փանջշերի շատ թաղամասեր: Մենք կարծում ենք, որ մոտ օրերս վերահսկողություն կհաստատենք նահանգի նկատմամբ: Չենք կարող ասել, թե քանի օր, բայց դա առաջիկա օրերն են»,- ասել է Քարիմին:
Նրա խոսքով` մարտերը վերսկսվում են եւ պարբերաբար հանդարտվում: «Պայքարը շարունակվում է բոլոր ուղղություններով, եւ ամիրայության մոջահեդները շարժվում են դեպի Փանջշերի կենտրոն: Այժմ մեր վերահսկողության տակ գտնվող ռազմավարական թաղամասը Հավակն է: Մեր վերահսկողության տակ են հայտնվել նաեւ արեւելքի շատ տարածքներ. դրանք մեծ թաղամասեր են, ինչպես տարածքի, այնպես էլ բնակչության թվով: Հարավից Կաբիսա թաղամասն է անցել մեր վերահսկողության տակ: Նահանգի մոտ 20 տոկոսը մեր վերահսկողության տակ է»,- պարզաբանեց շարժման ներկայացուցիչը:
Փանջշերը մնում է «Թալիբան»-ի վերահսկողությունից դուրս մնացած միակ նահանգը, որը Քաբուլից հյուսիս-արեւելք գտնվող բարձրադիր վայրերում է: Հինգշաբթի «Ալ-Ջազիրա» հեռուստաալիքը, վկայակոչելով աղբյուրին թալիբների ներսում, հայտնում է, որ թալիբները որոշել են ռազմական օպերացիա սկսել Աֆղանստանի դիմադրության ճակատի ուժերի դեմ Փանջշեր նահանգում դիմադրության առաջնորդ Ահմադ Մասուդի հետ բանակցությունների ձախողումից հետո:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...