Չինաստանը տուգանել է տեխնոլոգիական հսկաներին երեխաներին շահագործող կոնտենտի պատճառով

Ինտերնետի վերահսկման չինական գործակալությունը տուգանել է Alibaba ընկերության եւ Tencent խաղային ընկերության կողմից կառավարվող պլատֆորմներին երեխաների մասնակցությամբ սեռական կոնտենտի տարածման պատճառով, տեղեկացնում է AP-ը։

Պլատֆորմները, ներառյալ Alibaba-ի Taobao էլեկտրոնային կոմերցիան, Tencent-ի QQ հաղորդակցությունների փոխանակման ծառայությունը, ուղղակի հեռարձակման Kuaishou կայքը, միկրոբլոգների Sina Weibo պլատֆորմը, ինչպես նաեւ սոցիալական ցանցերն ու էլեկտրոնային կոմերցիայի Xiaohongshu ծառայությունը, տուգանվել են սեռական սթիքերների կամ երեխաների մասնակցությամբ կարճ տեսահոլովակների տարածման պատճառով։

Ընկերություններին հրամայվել է շտկել խնդիրը եւ փակել աքաունթները, որոնք օգտագործում են նման կոնտենտ՝ ավելի մեծ թրաֆիկ ներգրավելու համար։