Tesla-ն դադարեցնում է բիթքոինի օգտագործումը մեքենաների վաճառքի համար
Ամերիկյան Tesla ընկերությունը դադարեցնում է բիթքոինի օգտագործումն իր արտադրած մեքենաների վաճառքի համար՝ կրիպտոարժույթի մայնինգի (արժույթի թողարկման տարբերակ,-խմբ.) համար հանածո վառելիքի օգտագործման ֆոնին:
Այս մասին իր թվիթերյան պաշտոնական միկրոբլոգում տեղեկացրել է ընկերության ղեկավար Իլոն Մասկը:
«Tesla-ն դադարեցնում է բիթքոինով մեքենաների վաճառքը: Մենք անհանգստացած ենք այս կրիպտոարժույթի մայնինգի և շահագործման համար նախատեսված հանածո վառելիքի, հատկապես ածուխի օգտագործման արագ աճով, որն արտանետման առումով վատագույնն է: Կրիպտոարժույթը լավ գաղափար է, և մենք հավատում ենք, որ այն խոստումնալից ապագա ունի, բայց այն չի կարող երևան գալ շրջակա միջավայրի հաշվին»,-ասել է Մասկը:
Նշենք՝ դեռևս մարտին Մասկը հայտարարել էր, որ Tesla էլեկտրական մեքենաներն արդեն իսկ կարելի է ձեռք բերել բիթքոինով:
Հիշեցնենք՝ մայնինգի էությունն այն է, որ Երկրի տարբեր մասերում գտնվող համակարգիչները լուծում են մաթեմատիկական խնդիրներ, որի արդյունքում ստեղծվում են բիթքոիններ: Այս գործընթացի համար մեծ քանակությամբ էլեկտրաէներգիա կամ այլ էներգիայի աղբյուր է անհրաժեշտ, որի համար էլ շատ հաճախ մարդիկ դիմում են տարբեր հանածոների «օգնությանը»: Վերջին շրջանում բավականին մեծ տարածում է գտել ածուխը, որը բավականին արդյունավետ է և արագ: Այնուամենայնիվ, ածուխի օգտագործման պատճառով մթնոլորտ են արտանետվում մեծաթիվ գազեր, որոնք վնասակար են շրջակա միջավայրի համար:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...