Եվրախորհրդարանական. Եթե Եվրոպան ցանկանա, կհասնի Բաքվում պահվող հայ գերիների ազատմանը
Եվրոպան ունի լծակներ եւ, եթե ցանկանա, կհասնի Ադրբեջանում պահվող հայ գերիների ազատմանը: Այս մասին ասել է Եվրախորհրդարանի անդամ Ֆրանսուա Քսավիե Բելամին (Հանրապետական կուսակցություն)՝ ելույթ ունենալով Եվրախորհրդարանում Եվրոպական խորհրդի նախագահի եւ Եվրահանձնաժողովի հետ բանավեճերի ընթացքում:
«Ձեր՝ Անկարա այցի օրը ես Երեւանում էի: Ես այցելեցի հիվանդանոց, որտեղ բուժվում են վերջին պատերազմում վիրավորվածները: Հանդիպելով նրանց հայացքներով՝ ես ամաչեցի, որ գալիս եմ Եվրոպայից: Ամոթ՝ Էրդողանի գործողությունների նկատմամբ Եվրոպայի փոխզիջումների համար: Ամոթ՝հավատարիմ քրդերի համար Սիրիայում ԻՊ-ի ջախջախումից հետո: Ամոթ՝ Լիբիայի քաղաքացիական բնակչության համար: Ամոթ կիպրացի, հույն, բուլղար եղբայրների համար, որոնց ինքնիշխանությունը մշտական սպառնալիքի տակ է: Եվրոպայի բարեկամ հայ ժողովրդի համար, որը ստիպված է միայնակ դիմակայել Էրդողանի ագրեսիային, նրա ջիհադիստ վարձկաններին, կասետային ռումբերին:
Ես եղա Եռաբլուրում, որտեղ թաղված են հազարավոր հայ երիտասարդներ, ովքեր զոհվել են միայն այն պատճառով, որ Էրդողանը որոշել է, որ հաջողության հասնելու համար բռնությունն ավելի լավ է, քան դիվանագիտությունը: Սա ինքնին մեծ հանցագործություն է, որը կատարել է Ցեղասպանությունը ժխտող պետության ղեկավարը: Սա արդեն պետք է բավարար լինի հասկանալու համար, որ դա արդեն սարսափելի նախադեպ է, քանի որ մենք, առանց առարկության, թույլ ենք տալիս ՆԱՏՕ-ի երկրորդ բանակին անպատիժ խախտել միջազգային իրավունքը: Եվ տեղի ունեցածից հետո Եվրոպային անհանգստացնող միակ բանը դատարկ մնացող աթոռն է:
Այս բանավեճերը տպավորություն են ստեղծում, որ Թուրքիայի հետ խոսակցությունը ձեւական բնույթ: Եվրոպական քաղաքակրթությունը շատ բան ունի ասելու աշխարհին: Եվ Եվրոպան լծակներ ունի՝ վերջապես պահանջելու վերադարձնել Բաքվում գտնվող բոլոր գերիներին, վերջ տալու այս հանցագործությանը: Եթե Եվրոպան ցանկանա, կարող է հասնել դրան: Եկել է ժամանակը գիտակցելու, որ խնդիրները լուծումներ են պահանջում»,- ասել է Ֆրանսուա Քսավիե Բելամին:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...