Կլոպ. Գոհ չեմ ՉԼ–ի խմբային փուլում 6–ի փոխարեն 10 հանդիպում անցկացնելու հեռանկարից

Անգլիայի չեմպիոն «Լիվերպուլի» գերմանացի գլխավոր մարզիչ Յուրգեն Կլոպը դժգոհել է Չեմպիոնների լիգայի նոր ձեւաչափից։

«Չի կարելի հենց այնպես մրցաշարարեր ավելացնել։ Ես ուրախ եմ, որ Սուպերլիգան չի հայտնվի մեր օրացույցում, բայց Չեմպիոնների լիգայի նոր ձեւաչափը եւս հաջող չէ։ ՈւԵՖԱ–ն ինձ ցույց տվեց գաղափարը, ես պատասխանեցի, որ գոհ չեմ։

Մենք պետք է 6–ի փոխարեն անցկացնել 10 հանդիպում։ Ես պատկերացում չունեմ, թե ինչպես եմ այդ հանդիպումները ներառելու օրացույցում։ Չեմպիոնների լիգայի նոր ձեւաչափի պատճառը փողն է»,– Կլոպի խոսքը մեջբերում է BBC–ն։

Չեմպիոնների լիգայի նոր ձեւաչափով նախատեսված է խմբային փուլում 32 թիմի փոխարեն 36–ի մասնակցություն։ Խմբերի բաժանվելու փոխարեն կձեւավորվի մեկ լիգա։ Փլեյ–օֆֆ դուրս կգան լավագույն 8 թիմերը, մյուսները կմասնակցեն փլեյ–օֆֆի որակավորման նոր փուլի։