ՈւԵՖԱ–ն պատժամիջոցներ չի կիրառի Սուպերլիգայի հիմնադիր ակումբների նկատմամբ

ՈւԵՖԱ–ն պատժամիջոցներ չի կիռակի եվրոպական Սուպերլիգայի հիմնադիր ակումբների նկատմամբ, հաղորդում է իսպանական AS–ը։ Ակումբները դիմել են Մադրիդի դատարան, որպեսզի պաշտպանություն ստանան հնարավոր պատիժներից։ Դատարանի նախնական եզրակացությամբ ՈւԵՖԱ–ն եւ ՖԻՖԱ–ն պատժամիջոցների դիմելու իրավական հիմնավորում չունեն։

12 հիմնադիր ակումբներից Սուպերլիգայից հրաժարվելու մասին չեն հայտարարել «Յուվենտուսը», «Ռեալը» եւ «Բարսելոնան»։

Պրեմիեր լիգայի ներկայացուցիչներ «Մանչեսթեր Յունայթեդը», «Մանչեսթեր Սիթին», «Լիվերպուլը», «Չելսին», «Արսենալն» ու «Տոտենհեմը» դուրս էին եկել նախագծից ապրիլի 20-ին, իսկ Մադրիդի «Աթլետիկոն», իտալական «Միլանն» ու «Ինտերը»՝ ապրիլի 21-ին։

Եվրոպական ֆուտբոլային Սուպերլիգայի ներկայացուցիչները պաշտոնապես հայտարարել են նախագծի դադարեցման մասին։ Նրանք մտադիր են փոխել մրցաշարի ձևաչափը: