Նավթի գներն ընկել են
Ուրբաթ աճուրդների ավարտին նավթի էտալոնային տեսակների գներն ընկել են, փոխանցում է «Ինտերֆաքս»-ը:
Լոնդոնի ICE Futures բորսայում Brent տեսակի նավթի ապրիլյան ֆյուչերսների արժեքը մեկ բարելի դիմաց 62.91 դոլար է կազմել, ինչը 1.02 դոլարով (1.6 տոկոս) ցածր է նախորդ նստաշրջանի գներից:
WTI նավթի մարտ ամսվա ֆյուչերսների գինը Նյու Յորքի բորսայում (NYMEX) 59.24 դոլար է կազմել մեկ բարելի դիմաց, ինչը 1.28 դոլարով (2.1 տոկոս) ցածր է հինգշաբթի շուկայի փակմանը գրանցված մակարդակից: Ընդ որում, WTI տեսակի ապրիլյան ֆյուչերսների գինը նվազել է 1.27 դոլարով (2.1 տոկոս)` մեկ բարելի դիմաց կազմելով 59.26 դոլար:
Շաբաթվա վերջին ամենաակտիվ վաճառվող WTI տեսակի նավթի ֆյուչերսների գինը նվազել է 0.4 տոկոսով, իսկ Brent-ի ֆյուչերսների արժեքն աճել է 0.8 տոկոսով` աճ ցույց տալով հինգերորդ շաբաթն անընդմեջ, վկայում են Dow Jones-ի տվյալները:
Նավթի գների անկումը, մասնավորապես, կապված է Տեխասում արդյունահանման վերականգնման հետ, որն ավելի վաղ ընկել էր սաստիկ ցրտահարությունների պայմաններում: Marathon Oil (SPB: MRO) Corp.-ը, Devon Energy (SPB: DVN) Corp.-ը եւ Verdun Oil Co.-ն սկսել են էլեկտրականություն ստանալ տեղական ցանցից կամ գեներատորներ օգտագործել Eagle Ford թերթաքարի հանքավայրում արտահանումը վերսկսելու համար, գրում է Bloomberg-ը` վկայակոչելով աղբյուրները:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...