Ռուսաստան-ԵՄ հարաբերությունները գոհացնող չեն. Բորել
Ռուսաստանի եւ Եվրամիության միջեւ հարաբերությունները գոհացնող չեն, ասված է ԵՄ արտաքին քաղաքականության եւ անվտանգության գերագույն ներկայացուցիչ Ժոզեփ Բորելի՝ Մոսկվա կատարած այցի արդյունքում արված հայտարարության մեջ, հաղորդում է ՌԻԱ Նովոստի-ն:
Եվրոպական դիվանագիտության ղեկավարը ժամանել էր մայրաքաղաք փետրվարի 4-6-ը: Այդ ընթացքում նա հանդիպել էր Ռուսաստանի ԱԳ նախարար Սերգեյ Լավրովի, ինչպես նաեւ հասարակական կազմակերպությունների ներկայացուցիչների հետ:
Մոսկվայի եւ Եվրոպական միության միջեւ հարաբերությունների մասին խոսելիս Բորելն ընդգծել է, որ դիվանագիտական ալիքները պետք է մնան բաց ոչ միայն ճգնաժամերի կամ միջադեպերի ապաէսկալացիայի, այլ նաեւ կարծիքների, հստակ եւ անկեղծ ուղերձների փոխանակման համար:
Նրա խոսքով՝ ԵՄ-ում մտահոգված են Ռուսաստանում մարդու իրավունքների հարցերով: Այդ առնչությամբ Բորելը կրկին դատապարտել է Ալեքսեյ Նավալնիի նկատմամբ դատավճիռն ու կոչ արել իշխանություններին ազատել նրան:
Եվրամիության գերագույն ներկայացուցիչը դարձյալ քննադատել է Մոսկվայի՝ Գերմանիայից, Շվեդիայից եւ Լեհաստանից երեք դիվանագետներին վտարելու մասին որոշումը չարտոնագրված հանրահավաքներին մասնակցելու համար, եւ կոչ արել ռուս գործընկերներին վերանայել այն: Նա հերքել է մեղադրանքներն այն մասին, որ եվրոպացիները ծավալել են գործունեություն, որն անհամատեղելի էր նրանց դիվանագիտական կարգավիճակի հետ:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...