«Եռաբլուրը» վերեւից նկարեք, դաջեք ձեր ուղեղների, ձեր խղճի վրա. Արփինե Հովհաննիսյանը՝ դրոնով ցույցերը նկարողներին
Այսօր ինձ զանգահարել են Հանրային հեռուստատեսությունից եւ հրավիրում են Կուսակցությունների մասին օրենքի նախագծի քննարկման. Պատասխանս եղել է հետեւյալը՝ Հայաստանում չկա այլ օրակարգ, քան դավաճանի հեռացումն է, քան գերիների վերադարձն է, քան անհետ կորածների հարազատների արցունքը չորացնելն է, հետեւաբար ոչ մի կեղծ օրակարգ ՀՀ-ում լինել չի կարող: Այս մասին ընդդիմության կազմակերպած «Արժանապատվության երթի» ժամանակ հայտարարեց ԱԺ նախկին փոխնախագահ Արփինե Հովհաննիսյանը:
«Ուզում եմ մի բան էլ ասել սորոսական դրոններով վերեւից մեզ նկարողներին՝ ձեր դեմքը «Եռաբլուրում է», «Եռաբլուրը» վերեւից նկարեք: Դաջեք դա ձեր հեռախոսների, ուղեղների, ձեր խղճի վրա: Դա է ձեր պատկերը: Դուք «Եռաբլուրն եք» պղծել ու ավելացրե, դուք ազգային շահի հետ կապ չունեք»,-ասաց նա:
Հիշեցնենք, որ ընդդիմության հանրահավաքներն ու երթերը դրոնով նկարում է «Իրազեկ քաղաքացիների միավորումը», եւ ներկայացնում, թե քանի մարդ է մասնակցում տվյալ միջոցառմանը: