«Ալաշկերտ» - ԲԱՏԷ. Բուքմեյքերների կարծիքը

Ֆուտբոլի Հայաստանի չեմպիոն «Ալաշկերտը» Չեմպիոնների լիգայի որակավորման երկրորդ փուլի պատասխան խաղում կընդունի Բորիսովի ԲԱՏԷ-ին:

William Hill բուքմեյքերական գրասենյակը ֆավորիտ է համարում Բելառուսի չեմպիոնին, որի հաղթանակը գնահատում է 1.85 գործակցով: «Ալաշկերտի» հաղթանակը ստացել է 4.20 գործակից, իսկ ոչ ոքին՝ 3.20:

Հիշեցնենք, որ «Ալաշկերտի» եւ ԲԱՏԷ-ի միջեւ «Բորիսով Արենա» ստադիոնում կայացած առաջին խաղն ավարտվել էր 1:1 հաշվով: Պատասխան հանդիպումը կկայանա հուլիսի 18-ին Երեւանի «Հանրապետական» ստադիոնում եւ կսկսվի ժամը 20:00-ին:

Այս զույգի հաղթողը հաջորդ փուլում կմրցի Չեխիայի չեմպիոն Պրահայի «Սլավիայի» հետ: Չեմպիոնների լիգայի որակավորման երրորդ փուլի առաջին հանդիպումները կկայանան հուլիսի 25/26-ին, իսկ պատասխան խաղերը՝ օգոստոսի 1/2-ին:

NEWS.am Spor