Այսօրվա իրավիճակը համեմատության մեջ չի մտնի այն ամենի հետ, ինչ եղել է 2016 թվականին. Արմեն Մուրադյան
Հիվանդանոցային ծառայությունները ծանրաբեռնված են եւ այն սանիտարական նորմերը, որոնք այսօր կիրառվում են, համեմատության մեջ չեն մտնի այն ամենի հետ, ինչ եղել է 2016 թվականին: Այս մասին, այսօր՝ հոկտեմբերի 2-ին, Արցախի տեղեկատվկան կենտրոնում ճեպազրույցի ժամանակ ասաց Երեւանի բժշկական համալսարանի ռեկտոր Արմեն Մուրադյանը:
«Այս պահին առջողապահական երկու համակարգերի աշխատանքի, պրոֆեսիոնալ բժիշկների աշխատանքի արդյունքում, նաեւ արտերկրից ժամանակ բժիշկների, կարող ենք լայնածավալ եւ խորը պրոֆեսիոնալ բուժօգնություն ցուցաբերել ինչպես զինվորականներին, քաղաքացիական բնակչությանը, այնպես էլ այն ադրբեջանցիներին, որոնք խաբված հայտնվել են կրակի եզրին եւ ստացել են վիրավորումներ»,-ասաց նա:
Անդրադառնալով հիվանդներին զանգվածաբար Արցախից Հայաստան տեղափոխելուն, Արմեն Մուրադյանն ասաց, որ դա արվում է կազմակերպված, որպեսզի Արցախում ազատ մահճակալներ լինեն հնարավոր անհրաժեշտ արագ բուժօգնություն տրամադրելու համար: