Փաշինյա՛ն, այստեղ լսի, դու այդ հարցում ոչինչ չես հասկանում և ցանկանում ես հասցնել ողբերգության․ Բաղդասարով (Տեսանյութ)
Մերձավոր Արևելքի և Կենտրոնական Ասիայի ուսումնասիրության կենտրոնի տնօրեն Սեմյոն Բաղդասարովը կոշտ քննադատության է ենթարկել ՀՀ վարչապետ Նիկոլ Փաշինյանի գործողությունները և նրա կառավարության կողմից տարվող արտաքին քաղաքականությունը «Соловьев LIVE» հաղորդման եթերում:
Այն բանից հետո, երբ Սեմյոն Բաղդասարովը ներկայացրեց Թուրքիայի և անձամբ նախագահ Ռեջեփ Թայիփ Էրդողանի հեռու գնացող ծրագրերը Հայաստանի և Արցախի տարածքային ամբողջականությունը տրոհելու մասով, դիմեց Նիկոլ Փաշինյանին:
«Փաշինյա՛ն, այստեղ լսի, դու այդ հարցում ոչինչ չես հասկանում և ցանկանում ես հասցնել ողբերգության...»,-ասաց Բաղդասարովը:
Բաղդասարովը նաև հիշեցրեց Նիկոլ Փաշինյանի այն սկանդալային հոդվածը, որը հրապարակվել է 2005 թ. «Հայկական ժամանակ» թերթում «Մոռանալ «հերոսական անցյալը» վերնագրով, որից մեկ հատված ներկայացնում ենք ստորև:
«Եկեք դադարենք մեր նախնիներին գովաբանել եւ շատ պրագմատիկ հարց տանք մեզ. իսկ ի՞նչ են այդ նախնիները մեզ ժառանգել, ի՞նչ են թողել իրենց հետեւից: Ոչինչ, ավելի քան ոչինչ: Որովհետեւ ոչինչը այն է, երբ դու պետք է սկսես զրոյից, իսկ մենք պետք է սկսենք մինուս չգիտեմ քանիսից, որովհետեւ մեր նախնիները մեզ ժառանգել են ընդամենը ցեղասպանությունների, ստորացումների, դավաճանությունների եւ անբարոյականության մի այնպիսի պաշար, որը հաղթահարելը, ինչպես պարզվում է, դժվար է, չափազանց դժվար:
Ես դատապարտում եմ մեր նախնիներին, նզովում եմ նրանց, որովհետեւ նրանք ոչինչ չեն արել, որ մենք այսօր ապրենք ավելի արժանապատիվ ու ավելի հպարտ: Մեր նախնիները իրենց սերունդների համար հոգ չեն տարել գոնե այնքան, ինչքան կենդանիներն են հոգ տանում իրենց բնազդով: Ես դատապարտում եմ բոլոր նրանց, ովքեր գովքն են անում մեր նախնիների»։
Բաղդասարովը թվարկեց հայոց և համաշխարհային պատմության մեջ անգնահատելի ավանդ թողած հայերի անուններ՝ հարցնելով՝ գուցե այս ամենի՞ց էլ է ամաչում:
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Ինչպե՞ս վարվել երկրաշարժի ժամանակ․ ՆԳ նախարարությունն իրազեկում է
Հյուրանոցներին աստղեր կշնորհի Հայաստանի հյուրանոցների ասոցիացիան
Առանց տեղումների եղանակ, երեկոյան սպասվում է կարճատև անձրև
Վարչապետ Փաշինյանի ելույթը Եվրասիական միջկառավարական խորհրդի նիստին
ՊԵԿ-ը խոշոր առևտրի կենտրոնում բացահայտել է 1,3 մլրդ դրամի թաքցված հարկման օբյեկտ
Թաիլանդի դպրոցում աշակերտը կրակոցներ է արձակել. կան զոհեր
ԵԱՏՄ անդամ պետությունների փոխգործակցությունը երրորդ գործընկերների հետ չպետք է ընկալվի որպես զրոյական...
ՄԱԿ-ի անունից ցանկանում եմ վստահեցնել Ձեզ, Կառավարությանը և Հայաստանի ժողովրդին մեր շարունակական աջա...