Աստղագետները ցնցող հայտնագործություն են արել

Աստղագետները պարզել են, որ գալակտիկաները, որոնք նման են տեսքով և չափով Ծիր կաթինին, գոյություն են ունեցել Մեծ պայթյունից արդեն 1.4 միլիարդ տարի հետո: Այս տեսակի ամենահին գալակտիկան՝ SPT0418-47-ն է, որը գիտնականները հայտնաբերեցին ժամերի համաստեղությունում: Հայտնագործության մասին մանրամասնորեն գրված է «Nature» գիտական ​​ամսագրում:

«Այս հայտնագործությունը ցույց է տալիս, որ այն կառույցները, որոնք մենք տեսնում ենք մոտակա պարուրաձեւ գալակտիկաներում եւ Ծիր կաթինում, գոյություն են ունեցել 12 միլիարդ տարի առաջ», - ասել է Ֆրանչեսկա Ռիզզոն՝ աստղաֆիզիկայի Մաքս Պլանկի ինստիտուտի աստղագետ եւ ուսումնասիրության հեղինակներից մեկը:

Աստղագետները կարծում են, որ առաջին գալակտիկաները տիեզերքում հայտնվել են Մեծ պայթյունից մոտ 300-400 միլիոն տարի անց: 

Տիեզերքի այս նախնադարյան գալակտիկաները, ինչպես ենթադրում են աստղագետները, բոլորովին նման չեն եղել ժամանակակից գալակտիկաներին: Մասնավորապես, դրանք բավականին փոքր էին, և նրանց ներսում գտնվող աստղերը ձևավորվում էին հարյուր հազարավոր անգամ ավելի արագ, քան Ծիր կաթինում: 

Top-News.am