Իսկ ինչու պետք է խնդիրներ չլինեն հայ-իրանյան հարաբերություններում
Լրահոսից տեղեկանում ենք, որ Հայաստանում Իրանիս դեսպան Աբբաս Բադախշան Զոհուրիի հետ հանդիպել է Արարատ Միրզոյանի ասած՝ ՀՀ ԱԺ գիտության, կրթության, մշակույթի, սպորտի եւ երիտասարդության հարցերի մշտական հանձնաժողովի նախագահ, Հայաստան-Իրան բարեկամական խմբի ղեկավար Մխիթար Հայրապետյան:
Առաջին հայացքից թվում է, թե որեւէ արտառոց կամ ընդգծման արժանի իրադարձություն տեղի չի ունեցել, բայց դա միայն առաջին հայացքից:
Հայ-իրանական հարաբերությունները լավագույն օրերը չեն ապրում: գոյություն ունեն խնդիրներ, գոյություն ունեն չպարզաբանված հարցեր, եւ կառավարող ուժը, եթե առաջնորդվում է պետության շահով, ազգային շահով, ապա պետք է ջանք ու եռանց ներդնի մեր հարեւանի, մեր բարեկամ երկրի հետ հարաբերությունները ոչ միայն կարգավորելու, այլ ավելի սերտացնելու համար:
Իսկ այս իրավիճակում հազարամյակների գրեթե անընդհատ պետականություն ունեցող, աշխարհի ամենահզոր երկրի դեսպանի հետ հանդիպում է Մխիկը, նույն ինքը Մխիթար Հայրապետյանը:
Պաշտոնական հաղորդագրությունում նշված է, որ հանդիպման ընթացքում քննարկվել են նաեւ հայ-իրանական օրակարգի մի շարք հարցեր, ինչպես նաեւ տարբեր ոլորտներում փոխգործակցությունն առավել ընդլայնելու հնարավորությունները:
Դե եթե հայաստանյան կողմից կարեւոր հարցերը քննարկվելու է Մխիկի մակարդակով, ապա ինչ կարելի է ակնկալել հայ-իրանական հարաբերությունների առկա վիճակից: Ի վերջո դեսպանն իր երկրի ղեկավարությանը հայտնելու է, թե ինչ լրջությամբ է հայաստանյան իշխանությունը վերաբերում իրանյան կողմին եւ ինչ լրջությամբ է վերաբերում հայ-իրանյան հարաբերություններին:
Այսօր մեր պետության շահերից է բխում րոպե առաջ կարգավորել Իրանի հետ առկա բոլոր խնդիրները, հարաբերությունները զարգացնել, սերտացնել, բայց Մխիթար հայրապետյան-Իրանի դեսպան հանդիպման դեպքում միաքկ ակնկալիքը որ կարող է լինել սա է. հանկարծ ավելի չվատթարանան այդ հարաբերությունները:
Վարդան Մխիթարյան
Top-News.am