«Սա նման է բանկի և հաճախորդի միջև գործարքի. Դուք պե՛տք է կարդայիք». «Իմ քայլի» պատգամավորը՝ բուհ չընդունվածներին
ԲՈՒՀ չընդունված դիմորդներին ընդունեցին ԱԺ պատգամավորները։ «ԻՄ Քայլը» խմբակցության պատգամավոր Լիլիթ Ստեփանյանը ասաց որ բազմիցս իր բոլոր գրառումներում նշել է, որ ՀՀ-ն փոքր երկիր է, չունենք շատ ռեսուրս և իրենց համար յուրաքանչյուր դիմորդի, ուսանողի խնդիր քանի դեռ վերջնական լուծման չի հասել, շարունակում է մնալ խնդրահարույց։ Այսօր գրություն կուղարկեն նախարարություն՝ երեք խմբակցության ներկայացուցիչների ստորագրությամբ։
«Ունեմ մի շարք դիտարկումներ, որոնց մասին չեմ կարող չխոսել։ Խոսքը 11.600-ից ավելի մասին ուսանողների մասին էր և բնական է, որ կարող է լինի տեխնիկական սխալներ։ Ես այստեղ մեծ խնդիր չեմ տեսնում։ Եվ եթե կարիք կա, որ որևէ մեկը ներողություն խնդրի այս տեխնիկական սխալի մասին, որ համակարգիչն արել է, ես խնդրում եմ ներողություն այս սխալի համար՝ լիազոր մարմնի անունից։ Մենք ունենք 739 դիմորդ, ովքեր հարաբերական բարձր բալերով դուրս են մնացել ոչ թե ֆակուլտետից կամ բուհերից, այլ իրենց կողմից նշված մասնագիտությունների մրցույթից։ 500-ից ավելի ուսանողներ դիմել են այս օրերի ընթացքում՝ 472-ը ընդունվել են։ Չընդունվողների որոշումների մեջ մենք իրավասու չենք մասնակցություն ունենալ։ Ինչ վերաբերում է թարմացումներին, նորմալ բան է, անընդհատ ցուցակը թարմացվում է, թարմացվում է նաև տվյալների բազան, այստեղ դավադրություն ես չէի փնտրի»։
Լիլիթ Ստեփանյանն ասաց, որ համամիտ է, որ յուրաքանչյուր բարձր միավորի հիմքում ընկած է գիտելիքը։
«Սիրելի դիմորդներ և ծնողներ։ Ի սեր աստծո, փոխենք վերաբերմունքը բարձրագույն կրթության էպոպեայի հետ կապված։ Եթե երեխան առաջին տարով անգամ 0,5 միավորով դուրս է մնում՝ պետք չէ սա դարձնել անձնական ողբերգություն, ազգակործան ծրագիր որակել այս ամենը։ Իմ հայրը 6-րդ տարում նոր ընդունվել է իրավաբանության ֆակուլտետ։ Ես դժվարությամբ եմ ընդունվել։ Ես համաձայն չեմ, որ նախարարությունը ունեցել է որևէ միտումնավոր ծրագիր, որպեսզի խնդիրներ առաջանան կամ չընդունվեն դիմորդները։ Մեզնից որևէ մեկը իր վատ երազում անգամ կանխատեսել նման իրավիճակ չէր կարող։ Այո ստիպված ենք եղել շատ օրենքներ բերել և արտակարգ դրության պայմաններում ներկայացնել»։
Պատգամավորն ասաց, որ ինքը ուշադիր լսել է նախարարի լայվը։ Բոլոր այն դիմորդները ովքեր հասցրել էին գրանցվել մինչև մարտի 13-ը, դրանից հետո փակվել էր համակարգը։ Նրանց հնարավորություն տրվեց նորից լրացնելու հայտը, նաև երբ որոշում ընդունվեց մեկ առարկայի հիմքով ընդունվեն բուհեր, մյուս երկու-երեք առարկաների գումարները հետ վերադարձվեցին ծնողներին։ Ասում է այո՝ իրազեկման փուլը գուցե բավարար պայմաններով չեն եղել։ Ինքն էլ եղել է օրենքի հարակից զեկուցողը։ Դրանից հետո երկու անգամ նախարարը խոսել է , որ կարգը փոխվել է։
«Դուք կարող է չիմանաք որ գյուղատնտեսական ոլորտում ինչ օրենքներ են բերում, դուք կարող եք նանոտեխնոլոգիաներից չիմանալ, դուք կարող է չիմանաք հանրային ծառայության հարաբերությունները կարգավորող օրենքում ինչ փոփոխություն է եղել։ Բայց դուք պետք է իմանաք ընդունելության քննությունների կարգում ինչ փոփոխություններ են կատարվելու։ Այս մասին բազմիցս է խոսվել։ Ես ինքս չեմ խոսում որպես իշխող խմբակցության ներկայացուցիչ։ Ես գիտեի փոփոխության մասին։ Սիրելիներս, եթե դուք նոր կարգով մեկ առարկայով քննություն եք տվել, դուք պարտավոր եք հետևել նոր կարգով կարգավորումներ մասին։»
Իրազեկումը գուցե պատշաճ ձևով չի կատարվել՝ ասում է պատգամավորը։
«Սա շատ նման է քաղաքացու և բանկի միջև կնքված պայմանագրերին։ Երբ պայմանագիրը կնքվում է քաղաքացին ասում է՝ վայ ես չգիտեի, երբ ասում են պայմանագիր գոյություն ունի, ասում է փոքր տառերով էր գրված չեմ կարդացել։ Կներեք, էսպես չի լինում։ Դուք պարտավոր էիք դա կարդալ»։