Խայտառակ ոչ-ոքի Անդորրայում

Հայաստանի չեմպիոն «Ալաշկերտը» հաղթահարեց անդորրական «Սանդա Կոլոմայի» արգելքը եւ դուրս եկավ Չեմպիոններիլիգայի որակավորման հաջորդ փուլ:

Երեւանում Հայաստանի չեմպիոնը մի կերպ՝ 1:0 հաշվով հաղթել էր Անդորրայի ուժեղագույն թիմին, իսկ մրցակցի դաշտում խաղաց 1:1 հաշվով: Առաջին խաղակեսում Նենադովիչը բացեց հաշիվը՝ առաջ մղելով «Ալաշկերտին»:

Երկրորդ խաղակեսում, ամենայն հավանականությամբ, հայ ֆուտբոլիստներին թվաց, թե իրենք խաղում են առնվազն «Պորտուի» հետ եւ ամբողջ թիմով անցան խորը պաշտպանության: մեկ բառով ասած՝ խայտառակություն:

Արդյունքում Լիման գլխի հարվածով հավասարեցրեց հաշիվը: «Սանտա Կոլոման» առնվազն երկու անգամ էլ դեռ կարող էր գոլ խփել, բայց վրիպեցին հարմար դիրքերից:

Ավելացնենք, որ երկու թիմերի որոշ ֆուտբոլիստներ իրենց պահում էին փողոցային ֆուտբոլիստների նման, իսկ խաղավերջում ընկել էին մեկը մյուսի ետեւից, հավանաբար շան ծեծ տալու համար:

Ինչպես ասում են՝ «Ալաշկերտը» նման խաղով հաջորդ փուլում անելիք չունի:

Top-News.am