«Գոլդեն Փելիս» հյուրանոցը կրկին կդրվի աճուրդի՝ նախատեսված է գնի իջեցում (տեսանյութ)
«Գիտեք, որ ամիսներ շարունակ կորոնավիրուսով վարակվածներն էին մեկուսացել «Գոլդեն Փելիս» հյուրանոցում: Հիմա հյուրանոցն ազատվել է, և մենք այն հետ ենք վերցրել՝ պատրաստվում ենք նորից ներկայացնել աճուրդի»,- 168.am-ի հետ զրույցում ասաց պետական գույքի կառավարման կոմիտեի նախագահ Նարեկ Բաբայանը՝ անդրադառնալով Ծաղկաձորում գտնվող «Գոլդեն Փելիս» հյուրանոցի ճակատագրին:
Հարցին՝ եթե գնորդներ չհայտնվե՞ն, քանի որ մեկ տարի այն դրվել էր աճուրդի, այդ դեպքում ի՞նչ է լինելու, Նարեկ Բաբայանը պատասխանեց, որ առաջին աճուրդը տեղի է ունեցել այս տարվա հունվարին, հետևաբար՝ մի քանի ամիս է, ինչ դրվել է աճուրդի:
«Նախ՝ նախատեսված է գնի իջեցում, գնորդներ չլինելու դեպքում կքննարկվի նաև այլ տարբերակ, գուցե հավատարմագրային կառավարման տալով: Սակայն հույս ունեմ՝ գործը դրան չի հասնի»,- հավելեց Ն. Բաբայանը:
Հիշեցնենք, որ 2018 թվականին տեղի ունեցած իշխանափոխությունից մեկ տարի հետո, Կառավարությունը հավանության արժանացրեց «Գոլդեն Փելիս» ՍՊԸ-ի սեփականությունը հանդիսացող գույքը, որի արժեքը 7 մլրդ 535 մլն 889 հազար դրամ է, նվիրաբերել պետությանը: Հյուրանոցը պատկանում էր Մաքսային կոմիտեի նախկին պետ Արմեն Ավետիսյանի ընտանիքին:
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Թաիլանդի դպրոցում աշակերտը կրակոցներ է արձակել. կան զոհեր
2025 թվականին Հայաստանը ԵԱՏՄ–ին ավելի շատ վճարել է, քան ստացել միությունից
Դատախազությունն «Արարատցեմենտ»-ի սեփականության իրավունքով պատկանող մարզադպրոցի ձեռքբերման գործընթացո...
Կապահովվի ազգային փոքրամասնությունների լեզուների ուսուցման առավել հասանելի կազմակերպումը
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Ջրափրկարարները քաղաքացուն անվնաս դուրս են բերել ափ
Ինչպե՞ս է հայկական քարթինգը հաղթահարում դժվարությունները
Տաթև համայնքի նախկին ղեկավար Մուրադ Սիմոնյանից կբռնագանձվի 4 միլիոն 454 հազար դրամ