«Ախտահանող թունել»․ Պուտինի նստավայրում կորոնավիրուսից պաշտպանող թունել են տեղադրել (տեսանյութ)

ՌԴ նախագահ Վլադիմիր Պուտինի Նովո Օգարևոյի նստավայրում կորոնավիրուսից պաշտպանվելու համար հատուկ թունել են տեղադրել, գրում է «ՌԻԱ Նովոստի» գործակալությունը:

Թունելը նախատեսված է ախտահանման համար։ Դրա միջով անցնող յուրաքանչյուր ոք հայտնվում է «նուրբ ջրային մառախուղի» մեջ, որն ախտահանող լուծույթով ծածկում է հագուստն ու մարմնի բաց հատվածները։

Թունելի կադրերը, որոնք հրապարակել է գործակալությունը, ցույց են տալիս, թե ինչպես են թունելի միջով անցնող մարդիկ ախտահանվում՝ առաստաղից և կողքերից ցայտող ախտահանիչ լուծույթի օգնությամբ։

Նշվում է, որ այն մշակվել է Պենզա քաղաքից ընկերության կողմից։

Ապրիլին նախագահի մամուլի քարտուղար Դմիտրի Պեսկովը հայտարարել էր, որ պետության ղեկավարի հետ հանդիպելուց առաջ բոլորը պարտավոր են կորոնավիրուսի թեստ հանձնել: Նրա խոսքով՝ Վլադիմիր Պուտինը չի բացառել շփումները, բայց նվազագույնի է հասցրել, բացի այդ, հանդիպումներն անցնում են սոցիալական հեռավորության պահպանմամբ:

В резиденции Путина для защиты от коронавируса установили специальный туннель. Он предназначен для дезинфекцииhttps://t.co/jjwWbuZ2EX pic.twitter.com/h62KWARvsr

— РИА Новости (@rianru) June 16, 2020