Ոչ հայանպաստ հայտարարություն Գերմանիայի արտգործնախարարության պաշտոնական կայքում. Էդմոն Մարուքյան
Ափսոսանքով, պետք է հայտնեմ, որ Եվրոպական միությունում Հայաստանի առանցքային գործընկեր և ԵԱՀԿ Մինսկի խմբի անդամ Գերմանիայի արտգործնախարարության պաշտոնական կայքում հայտարարություն է տարածվել, որն աչքի է ընկնում ոչ հայանպաստ ձևակերպումներով: Այս մասին գրում է ԱԺ «Լուսավոր Հայաստան» խմբակցության ղեկավար Էդմոն Մարուքյանը:
«Մասնավորապես, ճամփորդել ցանկացող Գերմանիայի քաղաքացիներին նշված հայտարարությամբ կոչ է արվում «ամեն կերպ խուսափել Լեռնային Ղարաբաղ կամ հարակից ադրբեջանական այլ տարածքներ այցելելուց, որոնք օկուպացված են հայկական զինված ուժերի կողմից, իսկ Լեռնային Ղարաբաղ մուտքի արգելքի խախտումները կարող են հանգեցնել տուգանքների նշանակման կամ ազատազրկման՝ Ադրբեջանի անվտանգության մարմինների կողմից ՝ երրորդ երկրներին արտահանձման պահանջների միջոցով»:
Ավելին, հաջորդիվ ասվում է, որ «բոլոր նրանք, ովքեր այդուամենայնիվ կճամփորդեն նշված վայրեր, ենթակա են Ադրբեջանի Հանրապետության օրենսդրությամբ նախատեսված իրավական պատասխանատվության»։ Կարծում եմ, որ այսբովանդակ տեքստը ամենևին չի բխում հայ-գերմանական գործընկերության շահերից, չի համապատասխանում ԵԱՀԿ շրջանակներում ընթացող բանակցությունների տրամաբանությանը և պարզաբանումների կարիք ունի:
Պահանջում եմ՝ ՀՀ Արտաքին գործերի նախարարության պարզաբանումն այս հայտարարության մասին, ինչպես նաև տեղեկատվություն կատարվող աշխատքների վերաբերյալ՝ ուղղված նմանատիպ բովանդակությամբ հայտարարությունը ետ կանչելուն և ինչն է պատճառը, որ նման հայտարարություն է անում ԵԱՀԿ Մինսկի խմբի անդամ Գերմանիայի արտգործնախարարությունը»,- գրում է Մարուքյանը
Աղբյուր` Փաստինֆո
facebook sharing button 2twitter sharing buttonsharethis sharing buttonemail sharing button
ՀԱՐԱԿԻՑ ՀՐԱՊԱՐԱԿՈՒՄՆԵՐ`
18:59 25/05/2020 | ՄԵԿՆԱԲԱՆՈՒԹՅՈՒՆ
Գերմանիայի ԱԳՆ-ն կոչ է արել իր քաղաքացիներին ամեն կերպ խուսափել ԼՂ կամ հարակից ադրբեջանական այլ տարածքներ այցելելուց. Մարուքյան
18:34 25/05/2020
Կարեն Դանիելյանը նշանակվել է Արցախի Հանրապետության նախագահի աշխատակազմի ղեկավար
16:39 25/05/2020 | ԼՐԱՀՈՍ
Հերթական ձեռքբերումն ենք ջուրը լցնում. Մարուքյանը՝ Կապանի դեպքերի մասին
16:32 25/05/2020 | ԼՐԱՀՈՍ
Ես չեմ սպասել, որ Սասուն Միքայելյ