Հնդկաստանի ֆերմաներից մեկում հավերը կանաչ դեղնուցով ձվեր են ածում. լուսանկարները զարմացրել են համացանցի օգտատերերին (տեսանյութ)
Հնդկաստանում բնակվող ֆերմեր Աք Շիհաբուդհենը, որը զբաղվում է թռչնաբուծությամբ, պատմել է, որ իր հավերից որոշների ածած ձվերը կանաչ դեղնուց ունեն: Երբ համապատասխան լուսանկարները տարածվել են համացանցում, շատերը կարծել են, թե դրանք մշակված են «Ֆոտոշոփ» ծրագրով: Սակայն ֆերմերը որպես ապացույց հրապարակել է տեսանյութ, որում կոտրում է ձվերն և ցույց տալիս կանաչ դեղնուցը, գրում է Oddity Central-ը:
Շիհաբուդհենի խոսքով՝ այս ամենն իր համար անչափ զարմանալի է: Անասնաբույժները ևս չեն կարողանում բացատրություն տալ դեղնուցի տարօրինակ գունափոխմանը:
«Կանաչ դեղնուցով առաջին ձուն ստացել ենք մոտ ինն ամիս առաջ: Սկզբում ապշած էինք և այն սննդի մեջ չօգտագործեցինք: Սակայն այդ հավի ածած բոլոր ձվերը, ինչպես պարզվեց, այդպիսին էին: Երբ թողեցինք, որ հավը թխսի, այդ ձվերից ելած ճտերը, իրենց հերթին, ևս սկսեցին կանաչ դեղնուցով ձվեր ածել»,-պատմել է ֆերմերը:
Նա մանրամասնել է, որ ինքն ու ընտանիք անդամները կերել են այդ ձվերից և որևէ տարօրինակ բան չեն զգացել:
Աղբյուրը նշում է, որ մի քանի օր առաջ համապատասխան մասնագետներն այցելել են ֆերմա ու լաբորատորիաներում անալիզ անելու համար նմուշներ վերցրել:
Ֆերմերը հավելել է, որ սնունդը դժվար թե լինի դեղնուցի գունափոխման պատճառ, քանի որ ինքը բոլոր հավերին նույն կերն է տալիս:
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Ինչպե՞ս է հայկական քարթինգը հաղթահարում դժվարությունները
2025 թվականին Հայաստանը ԵԱՏՄ–ին ավելի շատ վճարել է, քան ստացել միությունից
Տաթև համայնքի նախկին ղեկավար Մուրադ Սիմոնյանից կբռնագանձվի 4 միլիոն 454 հազար դրամ
Դատախազությունն «Արարատցեմենտ»-ի սեփականության իրավունքով պատկանող մարզադպրոցի ձեռքբերման գործընթացո...
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Ֆրանսիայում կրկին չափազանց շոգ եղանակ կհաստատվի
Ըստ սոցհարցման՝ Զելենսկին ընտրությունների երկրորդ փուլում կպարտվեր Զալուժնիին
ԵՄ-ն նոր պատժամիջոցներ է սահմանել Ռուսաստանի դեմ. Կալլաս