Facebook-ը ձեռք է բերել Giphy անիմացիոն պատկերների ծառայությունը 400 մլն դոլարով

Facebook-ը ձեռք է բերել Giphy անիմացիոն պատկերների ծառայությունը, հաղորդում է «Մեդուզա»-ն։ Axios-ի տվյալներով՝ գործարքի գումարը կազմել է 400 միլիոն դոլար։

The Verge-ի հաղորդմամբ՝ ֆեյսբուքը մի քանի տարի օգտագործել է API Giphy-ն ինստագրամում, մեսինջերում եւ սոցիալական ցանցի հիմնական հավելվածում գիֆեր որոնելու համար։ Giphy-ի թրաֆիկի կեսը գոյանում է հենց այդտեղից, պարզաբանում է պարբերականը։

Giphy բրենդը խոստանում են թողնել․ ծառայության օգտատերերի համար դեռեւս ոչինչ չի փոխվի։ Giphy-ի ծրագրավորողներն ու գործընկերները պահպանում են դրա API հասանելիությունը։