Ծափահարելու համար ծնված իմքայլականը
ԱԺ «Իմ քայլը» խմբակցության պատգամավոր Արթուր Դավթյանը չի կարծում, թե ԱԺ-ում ծեծկռտուքին հաջորդած՝ վարչապետ Նիկոլ Փաշինյանի ելույթը կարող էր բռնություն խրախուսել։ Այս մասին այսօր՝ մայիսի 11-ին, ԱԺ-ում լրագրողների հետ զրույցում ասաց պատգամավորը։
«Վարչապետն այն անձն է եղել, որ երբեք բռնություն չի խրախուսել։ Իմ համար ամբողջ ելույթը ծափահարության արժանի է։ Եթե ամբողջ ելույթը լսեք, ուշադիր լինեք, դուք էլ ուշադիր լինեք ելույթին, դուք էլ պետք է ծափ տաք»,- ասաց նա։
Վստահաբար կարող ենք պնդել, որ Արթուր Դավթյանը հնարավորության դեպքում նույն ոգեւորությամբ ծափահարելու էր Լենինին, Ստալինին, հետո նաեւ Խրուշչովին, անկասկած Բրեժնեւին, այն էլ բուռն եւ որոտընդոստ, ապա Անդրոպովին, Չեռնենկոյին, նաեւ Գոփրբաչովին: Նա մեկն է, ով ծնվել է ծափահարելու համար:
Արթուր Դավթյանը իմքայլականների հավաքական կերպարն է:
Top-News.am