Մինչև Քոչարյանի գործը հասնի իր ավարտին, Աննա Դանիբեկյանը կդառնա Ջենիֆեր Լոպես
Քաղաքական պետպատվերով քթի պլաստիկ վիրահատության գնալը թերևս ամենաթույլ երևակայական հնարքն էր, որին դիմեց իշխանահպատակ դատավոր Աննա Դանիբեկյանը:
Կարելի է կարծել, որ հին պապենական քթով արդարադատություն իրականացնելը նրա մոտ այնքան էլ լավ չէր ստացվում, և սեփական իմիջը թարմացնելը կնպաստեր մարտի մեկի ջուր գործը պնդացնելուն:
Բայց վախենամ թե դա էլ չօգնի: Իսկ միգուցե այս անգամ հարվածը գլխին հասցնելու փոխարեն տերերը քթին են հարվածել:
Անվերջ ենթադրություններ անելու փոխարեն կարող ենք մեկ բան հաստատ պնդել՝ մարտի 1-ի դատավարությունը ձգձգվում է, և դա արվում է զավեշտալի պատճառաբանություններով:
Չկա աշխարհում դատավարական պրակտիկայում դեպք, երբ դատավորը մեկ ամսով բացակայի, և այդ ընթացքում կարևոր գործը չմակագրվի մեկ ուրիշ դատավորի:
Աննա Դանիբեկյանը ամուր սոսնձվել է այս գործին և ժամանակ է սպանում: Բայց եթե նրա հույսը պլաստիկ վիրաբուժությունն է, ուրեմն քթից հետո պետք է անցնի շուրթերին, այտերին, պարանոցին, կրծքերին և մյուս բարեմասնություններին:
Արդյունքում, մինչև դատը հասնի իր տրամաբանական ավարտին, Դանիբեկյանը կդառնա Կլաուդիա Շիֆեր կամ Ջենիֆեր Լոպես:
Ի՜նչ ՀՀ դատական համակարգ, ի՜նչ բան. արդեն Հոլիվուդը կկանչի նրան:
Անի Կարապետյանի ֆեյսբուքյան էջից