Կարգին Հայկոյի արկածները Երեւանի քաղաքապետարանում

Հիշո՞ւմ եք, թե ինչպես էին գործող իշխանությունները Երեւանի քաղաքապետ Հայկ Մարությանի ակտիվ մասնակցությամբ Ազատության հրապարակն «ազատում» սրճարաններից, հայտարարում, թե վերականգնելու են կանաչ տարածքները:

Թե ինչ եղավ հետո, տեսան բոլորը: Սրճարանները, բացի մեկուկեսից, մնացին իրենց տեղում, բայց հիմա խոսքը Ազատության հրապարակի սրճարանների մասին չէ, այլ քաղաքապետարանի էության:

Սրճարաններ ապամոնտաժող քաղաքային իշխանությունները չեն նկատե՞լ, թե նկատել եւ հավանել են, որ Օղակաձեւ զբոսայգում, կանաչ տարածքի տեղում նոր հսկա սրճարան  է կառուցվում: Արդեն տեղադրված են երկաթյա կոնստրուկցիաները, արդեն պարզ է, որ այն ծառերի տակ դրված սեղաններ եւ աթոռներ չեն լինելու այլ հսկա մի կառույց:

Մարդկանց ասում են մնացեք տանը, իսկ Երեւանը կորցնում է հերթական կանաչ տարածքը:

Top-News.am