Ի՞նչ հիմքով է Երևանում առանց գնման մրցույթի ասֆալտապատում արվում. Խաժակյանը՝ Մարուքյանին
Երևանի ավագանին շարունակում է քննարկել 2019 թվականի բյուջեի կատարման հաշվետվությունը հաստատելու մասին նախագիծը: Երևանի ավագանու «Լույս» խմբակցության նախագահ Դավիթ Խաժակյանը նշեց, որ այս օրերին Երևանում ասֆալտապատման աշխատանքներ են կատարվում, երբ հետևում ենք գնումների գործընթացին, տեսնում ենք, որ գնման մրցույթ հայտարարված չէ:
«Մրցույթ հայտարարված չէ, բայց ինչ-որ կազմկերպություններ ասֆալտապատում են անում, ենթադրում եմ՝ քաղաքապետարանի համաձայնությամբ, խնդրում եմ նշել՝ ի՞նչ հիմունքներով է սա իրականացվում, հետո այդ մարդկանց շխատանքներն ինչպե՞ս ենք վճարելու, թե՞ ուղղակի գիտենք, որ իրենք են հաղթելու, հիմա ասել ենք՝ աշխատանքն արա, հետո կանդրադառնանք»,- ասաց Խաժակյանը:
Վերջինիս այս հայտարարությանը կոպիտ արձագանքեց քաղաքապետ Հայկ Մարությանը: «Կապված այն դիտրակման հետ՝ աշխատանքներ են կատարվում, որովհետև գիտենք, որ հաղթելու են, պարոն Խաժակյան, այպդիսի բաներ տեղի էր ունենում Ձեր կողմից շատ սիրված Վահե Նիկոյանի, Տարոն Մարգարյանի ժամանակ և այլ տարբեր քաղաքապետերի և փոխքաղաքապետերի ժամանակ, այո, այդպիսի բաներ տեղի էին ունենում, դրա համար Ձեր մտքով անցնում է, որ հիմա էլ են կատարվում»,- ասաց նա:
Քաղաքապետին ընդհատեց Խաժակյանը և նշեց, որ հիմա ինքը Մարությանին էլ է սիրում, իսկ քաղաքպաետը կոչ արեց՝ չընդհատել իրեն: «Դուք վիրավորական խոսքեր եք ասում, չեմ պատրաստվում թույլ տալ, որ նման կերպ շարունակեք խոսել»,- ասաց Խաժակյանը:
Հայկ Մարությանը շարունակեց. «Այո, էն ժամանակ կատարվում էր, այդպիսի բաներ, հիմա այդպիսի բաներ չի կարող կատարվել: Միգուցե կուզեիք, որ Դուք լինեիք քաղաքապետ, որ այդպիսի բաներ կատարվեր, բայց քանի ես եմ քաղաքապետը՝ այդպիսի բաներ չի կարող կատարվել»: Դավիթ Խաժակակյանն էլ արձագանքեց, որ ուրեմն քաղաքապետն անտեղյակ է:
Փոխքաղաքապետ Հրաչյա Սարգսյանն էլ պարզաբանեց՝ քանի որ ասֆալտապատումը անցած տարի մի փոքր ուշացավ, այդ իսկ պատճառով որոշվեց, որ յուրաքանչյուր տարի իրականացվի հաջորդ տարվա գնումները. «Ասֆալտապատման հետ կապված մրցությը հայտարարվել է 2019 թվականին առանց ֆինանսական միջոցների առկայության և 2020-ի բյուջեն հաստատվելուց հետո պայմանագիր կքնեցինք ու աշխատանքները կատարվել են»,- ասաց նա:
Ինչից հետո Դավիթ Խաժակյանը, դիմելով քաղաքապետին, ասաց. «Ես որքան սիրում եմ Վահե Նիկոյանին և Տարոն Մարգարյանին, այդքան էլ հավաստիացնում եմ, որ Ձեզ եմ սիրում, խնդրում եմ, որևէ մեկի նկատմամբ խանդով չվերաբերվեք, հանրությունը և Դուք գիտեք, թե Ձեզ որքան շատ եմ համակրում: Եվ այս մասով, երբ համեմատում եք, միշտ իմացեք, որ ես հարթությունները հավասարաչափ եմ դնում՝ թե՛ պրոֆեսիոնալզիմի առումով, թե՛ ինչ-որ բաներ շրջանցելու առումով: Ես հասկացա որ դուք փոքր-ինչ սրտնեղեցիք, որ ակնարկեցի, թե գուցե ինչ-որ ոչ օրինական բաներ կան, բայց կարծում եմ՝ Ձեր հիշողությունը գոնե մեկ տարվա կտրվածքով թույլ կտա հիշել Ձեր կոմունալ վարչության պետին, ում Դուք էիք անձամբ բերել այս շենք և անձամբ էիք նշանակել, ում հայտարարած մրցույթները Դուք էիք հաստատել, ում քրոջ որդին հաղթել էր երկու մրցույթ, և Դուք ազատել էիք նրան աշխատանքից երբ դա հասու էր դարձել մամուլին»:
Այս հայտարարելուց հետո Դավիթ Խաժակյանը կոչ արեց քաղաքապետին չսրտնեղել իր ֆունկցիան վերահսկողություն կատարելն է: Սրան ի պատասխան քաղաքապետն ասաց. «Քանի արտակարգ դրություն է երկրում, Ձեր սերը պահեք Ձեզ, հետո կխոսենք: Իսկ ինչ կապված է անօրինական գործողությունների հետ, քանի ես այստեղ եմ քաղաքապետարանում չի կարող լինել ոչ մի տիպի անօրինական գործողություն, ոչ մի ասպարզեում, և ով թույլ կտա նման բան, կպատժվի օրենքի խստությամբ, ինչպես Ձեր բերած օրինակի դեպքում»: