Քոչարյանի եւ մյուսների գործով դատավարության ընթացքում տուժածներ չպետք է լինեն. փաստաբան
Հատուկ քննչական ծառայությունը եւ ՀՀ գլխավոր դատախազությունը նորարարական մոտեցում են ցուցաբերել, որի արդյունքում Ռոբերտ Քոչարյանի եւ մյուսների գործով դատավարությանը տուժածներ են հայտնվել: Լրագրողների հետ զրույցում այս մասին ասաց փաստաբան Արամ Վարդեւանյանը:
Փաստաբանը շեշտեց, որ սահմանադրական կարգի տապալման գործով որպես տուժածներ կարող են հանդես գալ կա՛մ երկրի ամբողջ բնակչությունը, կա՛մ Սահմանադրությունը, այլ տուժածներ չեն կարող լինել (խոսքը դատարանում 2008-ի մարտի 1-ի զոհերի հարազատների ներկայության մասին, չնայած մարդկանց մահվան հանգամանքները դատավարության ընթացքում չեմ քննվում` խմբ.):
Արամ Վարդեւանյանը նշեց, որ այս միջնորդությունը, ինչպես նախկինում մի շարք այլ ներկայացվածներ, կքննվի այս փուլում:
Խոսելով դատավոր Աննա Դանիբեկյանի կողմից ինքնաբացարկի մասին միջնորդության մերժման մասին, Արամ Վարդեւանյանը շեշտեց, որ միջնորդություններում նշվել են այն հանգամանքները, որոնք օբյեկտիվ դիտորդի մոտ կասկածներ են հարուցում դատավորի օբյեկտիվության վերաբերյալ: Որպես հիմնավորում` փաստաբանը մատնանշեց այն հանգամանքը, որ Մութաֆյանի եւ Օհանջանյանի մասնակցությամբ միջադեպի ժամանակ, եւ տեսանյութը կա համացանցում, Ռոբերտ Քոչարյանի անունը կամ գործը չի նշվում: «Սակայն Աննա Դանիբեկյանը վկայություններ է տալիս առ այն, որ իրեն հարցրել են Քոչարյանի գործի մասին: Բայց եթե չեն հարցրել, իսկ նա վստահ է, որ հարցրել են, ստացվում է, որ նա ներքին համոզմունք ունի, ինչպե՞ս կարող է նա օբյեկտիվ լինել: Արդյո՞ք սա չի խոսում է նրա ներքին տրամադրվածության մասին»,- հարց ուղղեց փաստաբանը` հավելելով, որ Վերաքննիչ դատարանի դատավոր Մխիթար Պապոյանը ինքնաբացարկ էր հայտարարել իր օբյեկտիվության մեջ կասկածելու ավելի քիչ հիմքերի առկայության դեպքում: