Լեւոն Արոնյանի մասնակցությամբ մեկնարկում է Norway Chess-ը

Նորվեգիայի Ստավանգեր քաղաքում հունիսի 5-17-ը կանցկացվի Norway Chess շախմատային սուպերմրցաշարը:

10 մասնակիցների թվում է նաեւ հայկական շախմատի առաջատար Լեւոն Արոնյանը, որի մրցակիցները կլինեն՝ աշխարհի չեմպիոն, նորվեգացի Մագնուս Կարլսենը, Ֆաբիանո Կարուանան (ԱՄՆ), Ուեսլի Սոն (ԱՄՆ), Վլադիմիր Կրամնիկը (Ռուսաստան), Մաքսիմ Վաշյե-Լագրավը (Ֆրանսիա), Հիկարու Նակամուրան (ԱՄՆ), Վիշվանաթան Անանդը (Հնդկաստան), Սերգեյ Կարյակինը (Ռուսաստան) եւ Անիշ Գիրին (Հոլանդիա):

Հունիսի 5-ին կանցկացվի մրցաշարի բացման արարողությունը, վիճակահանությունն ու բլից մրցաշարը: Դասական պարտիաները կմեկնարկեն հունիսի 6-ից:

Հիշեցնենք, որ նախորդ տարի այս մրցաշարում հաղթել էր Մագնուս Կարլսենը, իսկ Լեւոն Արոնյանը գրավել էր երկրորդ տեղը:

NEWS.am Sport