«Փոփոխության պահը հասունացել էր». Disney-ի նոր ղեկավար է դարձել Բոբ Չապեկը

 Բոբ Չապեկը դարձել է The Walt Disney Company ընկերության նոր գլխավոր տնօրեն, հաղորդում է The Wall Street Journal-ը` hիշեցնելով, որ նախկինում այդ պաշտոնը զբաղեցնում էր Ռոբերտ Այգերը:

Այգերը, որը ընկերության ղեկավարն էր 2005 թվականից, կշարունակի աշխատել ընկերությունում մինչև 2021 թվականի դեկտեմբերի ավարտը և պատասխանատու կլինի Disney-ի ստեղծագործական ստորաբաժանումների համար: Այգերն իր խոսքում նշել է, որ ընկերության ղեկավարի փոփոխության պահը հասունացել էր:

Չապեկը Disney-ում աշխատում է արդեն մոտ 27 տարի և ընկերությունում առանցքային է համարում տեխնոլոգիական նորարարությունները և միջազգային շուկաներում Disney-ի դերի ընդլայնումը:

The Walt Disney Company-ի շուկայական կապիտալիզացիան գնահատվում է մոտ 230 մլրդ դոլար։

Ինչպես նշում է CNBC հեռուստաալիքը, Disney-ի արժեթղթերի գինը ղեկավարության փոփոխության մասին նորությունների ֆոնին նվազել է 2,5 տոկոսով: