Ինչպե՞ս կարելի է խաղալ մարդկանց բարի համբավի հետ՝ հրապարակելով ոչ ստույգ տեղեկություններ
«Հրապարակ» թերթը գրում է.
«Իշխանավորները մեզնից՝ լրագրողներից, բարձր իրավագիտակցություն և էթիկայի ամենանուրբ կանոնների պահպանում են ակնկալում։ Դեմ չեմ՝ գուցե մենք երբեմն տրվում ենք մեր մասնագիտության ընձեռած հնարավորությունների գայթակղությանն ու խախտում որոշ սահմաններ։ Կարեն Կարապետյանի լեքսիկոնով ասած՝ լրագրողի դրայվն է մեզ երբեմն առաջնորդում և սենսացիաներ անելու ցանկությունը։ Բայց ինչո՞վ եք առաջնորդվում դուք՝ պաշտոնյաներդ, որ ամեն օր օրենք ու իրավունք եք խախտում, դաժանաբար կոխկրտում եք անմեղության կանխավարկածն ու նախաքննության գաղտնիքը։
Ընդամենը երեկ ԱԱԾ-ն հաղորդագրություն էր տարածել՝ ԵՊՀ դասախոսին կաշառքի մեղադրանք առաջադրելու մասին, և անգամ մասնագիտությունն էին մատնանշել՝ իրավագիտություն։ Համալսարանից միանգամից 2 հերքման հաղորդագրություն տարածեցին, թե՝ մեր դասախոսներից ոչ մեկը ձերբակալված չէ, իսկ ԵՊՀ իրավագիտության ֆակուլտետը կոչ արեց ԱԱԾ-ին՝ զերծ մնալ «անորոշ, առերևույթ անհիմն ձևակերպումներից» և «չստվերել ֆակուլտետի վաստակաշատ պրոֆեսորադասախոսական կոլեկտիվի և ուսանողության բարի համբավը»։
Իշխանությունների և նրան սպասարկող մարմինների իրավական անգրագիտության ու մարդու իրավունքների կոպիտ ոտնահարումների մասին մենք գրեթե ամեն օր ենք գրում։
Ինչպե՞ս կարելի է խաղալ մարդկանց ու կազմակերպությունների բարի համբավի հետ՝ հրապարակելով ոչ ստույգ տեղեկություններ, ընդամենը նախաքննության փուլում գտնվող գործերի հետ կապված հաղորդագրություններ տարածել՝ չսպասելով դատաքննությանն ու դատական վճռին։ Փոխարենը մեզ մեղադրում են վաղուց կատարված դեպքի և ուժի մեջ մտած դատավճռի մասին հրապարակումներ անելու մեջ, որով, իբր, փորձել ենք վարկաբեկել «այո»-ի շտաբի ղեկավարին»,-գրում է թերթը:
Նյութն ամբողջությամբ կարդացեք թերթի այսօրվա համարում:
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
«ՑԱՅԳ» հեռուստաընկերությունն իրականացնում է «Շիրակցու խոսք» ծրագիրը
Հուլիսը եղել է BYD-ի ամենահաջող ամիսը
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
ԲՏԱ նոր փոխնախարարը սովորել է Նիդերլանդներում
ՀՀ շրջանների մեծ մասում սպասվում է կարճատև անձրև և ամպրոպ, հնարավոր է կարկուտ
Ինչպե՞ս վարվել երկրաշարժի ժամանակ․ ՆԳ նախարարությունն իրազեկում է
Չուամենին և Կամավինգան գերադասում են մնալ Մադրիդում
Հյուրանոցներին աստղեր կշնորհի Հայաստանի հյուրանոցների ասոցիացիան
Ընտրական բնույթի հանցագործությունների դեպքերի առթիվ նախաձեռնվել է 209 քրեական վարույթ