Բելառուսը գտնվում է այնպիսի վիճակում, որ նրան ե՛ւ դաշնակիցներն են նախատում, ե՛ւ մրցակիցները․ Լուկաշենկո
Բելառուսի նախագահ Ալեքսանդր Լուկաշենկոն հայտարարել է, որ բելառուսական հեռուստաալիքներին անհրաժեշտ է ավելի շատ սեփական արտադրանք ստեղծել՝ հեռանալով արտասահմանյան հարթակներից։ Այս մասին նա երեքշաբթի օրը հայտարարել է առաջատար պետական զանգվածային լրատվության միջոցների ղեկավարների հետ հանդիպման ժամանակ։
«Այնտեղ եղած ամեն ինչը չէ, որ լավ որակի է։ Մեր հեռուստաարտադրանքն ավելի շատ պետք է լինի,- ասել է նախագահը, ում խոսքերն է մեջբերում ԲԵԼՏԱ-ն, - Երբ ինձ ասում են, որ Հանրային հեռուստատեսության ղեկավար Մարատ Մարկովը նստած է ОРТ-ի հարթակի վրա (Հանրային ռուսական հեռուստատեսություն), ես պարզապես դա նույնիսկ չեմ հասկանում։ Մեր տարածքը, մեր հեռուստատեսությունը, մեր ОНТ ալիքն է, եւ վատը չէ՝ ժամանակն է արդեն լուծել գլխավոր խնդիրը՝ դա մերն է, իսկ եթե ինչ-որ մեկը ուզում է այստեղ գալ՝ համեցեք, ինչպես մենք այնտեղ»։
Լուկաշենկոն հստակեցրել է՝ ով ուզում է հեռարձակել Բելառուսում, պետք է գումար վճարի, թույլտվություն հարցնի։ «Տվեք ձեր ապրանքը, արտադրանքը, մենք կնայենք, կարող է հնարավոր լինի։ Սա առաջնային պարտականություն է»,- ասել է Լուկաշենկոն։
Նա նաեւ ընդգծել է, որ տեղեկատվական դաշտում դաժան մրցակցություն է, եւ Բելառուսը ամեն կողմից ներծծված է տարատեսակ մեդիա-հոսքերով, որոնցից շատերը բացահայտ ապակառուցողական են։ «Այդ առոմով Բելառուսն ամենաբարդ դիրքում է։ Եւ պետք չէ մեզ, ասենք, համեմատել այնպիսի պետությունների հետ, ինչպիսին են Շվեյցարիան, Ավստրիան եւ այլն։ Բացարձակ չի կարելի, քանի որ այս պետությունները գոյություն ունեն հզոր, հսկայական Եվրոպական միության կազմում, ասել է Լուկաշենկեն,- Եւ նրանք միշտ հենվում են իրենց դաշնակիցներին վրա, եւ, ամեն դեպքում, նրանց թիկունքին չեն կրակում»։
Նրա խոսքերով՝ Բելառուսը գտնվում է այնպիսի վիճակում, որ նրան ե՛ւ դաշնակիցներն են նախատում, ե՛ւ մրցակիցները կամ թշնամիները։ «Եւ այդ առումով Բելառուսը կրակահերթի է ենթարկվում բոլոր կողմերից։ Եւ նաեւ արտասահմանյան խոշոր ԶԼՄ-ներում մեր երկրի հանդեպ հաճախ հայտնվում են այնպիսի հորինված բաներ, իսկ երբեմն նաեւ ակնհայտ սուտ եւ զրպարտություն»,- ասել է նախագահը։