Մեծ գումարներ՝ Ամանորի հնացած զարդարանքների համար
«Ժողովուրդը» գրում է․ «Երբ հայտնի դարձավ, որ Երևանում 2020 թ. Ամանորի և Սուրբծննդյան տոների համար նախատեսված ծախսը ընդհանուր շուրջ 425 մլն դրամ է լինելու (մոտ 600 000 դոլար), թեման լայն քննարկումների առիթ դարձավ: Բայց դա չխանգարեց, որ կառավարությունը 2019 թ. նոյեմբերի 14-ի որոշում կայացնի՝ պետական բյուջեից քաղաքապետարանին հավելյալ 271 մլն 797 հազար դրամ տրամադրելու մասին: Իսկապես ռեկորդային հատկացումներ:
Ու թվում էր, որ այդքան աննախադեպ մեծ գումար տրամադրելու արդյունքում մայրաքաղաք Երևանի տոնական զարդարանքը պետք է շլացուցիչ լիներ՝ գոհացնելով ամենաբծախնդիր բնակչին: Բայց տոնական օրերին, շրջելով Երևանի վարչական շրջաններով անզեն աչքով նկատվեց, որ գրեթե առանց բացառության բոլոր շրջաններում տարիներ շարունակ բոլորիս աչքին սովոր լուսային զարդարանքներն էին կախված: Ու եթե նախորդ տարիներին՝ անգամ Երևանի նախկին քաղաքապետ Գագիկ Բեգլարյանի և Տարոն Մարգարյանի օրոք գնված լույսերը կախելիս գոնե փչացած լամպերը փոխարինվում էին նորերով, ապա այս տարի դա էլ չէր արվել:
Մասնավորապես, Մալաթիա-Սեբաստիա, Կենտրոն և Աջափնյակ վարչական շրջաններում տիրող իրավիճակը վերը նշվածի վառ ապացույցն են: ArmLur.am-ի նկարահանող խումբը հասցրել է լինել նշված երեք համայնքներում և արձանագրել, որ անգամ հնացած տոնական զարդարանքը նորացված չէ, և պատկերներն աղավաղված են: Մեր կողմից նկարահանված կադրերում հստակ երևում է, որ զարդարանքների պատկերը ամբողջությամբ լուսավորված չէ, կան չվառվող փչացած լամպեր:
Իսկ ինչքա՞ն գումար է ծախսվել վարչական շրջանների կողմից ամանորյա տոների ձևավորման և մշակութային միջոցառումների համար:
Մեր հարցումներին ի պատասխան՝ Երևանի քաղաքապետարանից հայտնեցին, որ Աջափնյակ վարչական շրջանը 6 մլն 634 հազար դրամ է ծախսել, Ավան վարչական շրջանը՝ 5 մլն դրամ, Արաբկիրը՝ 10 մլն 470 հազար դրամ, Դավիթաշենը՝ 2 մլն 180 հազար դրամ, էրեբունի վարչական շրջանը՝ 8 մլն 990 հազար դրամ, Կենտրոն վարչական շրջանը՝ 3 մլն 287 հազար դրամ, Մալաթիա-Սեբաստիան՝ 9 մլն 580 հազար դրամ, Նոր Նորք վարչական շրջանը՝ 6 մլն 980 հազար դրամ, Նորք-Մարաշ վարչական շրջանը՝ 1 մլն 366 հազար դրամ, Նուբարաշենը՝ 2 մլն 277 հազար դրամ, Շենգավիթը՝ 8 մլն 648 հազար դրամ, Քանաքեռ-Զեյթունը՝ 1 մլն 500 հազար դրամ:
Իսկ ինչո՞ւ են թերություններով լուսավորվել շրջանները: Մեր այս հարցին Երևանի քաղաքապետարանից պատասխանել են. «Ինչպես արտաքին, այնպես էլ տոնական լուսավորության ապահովման համակարգերում ժամանակ առ ժամանակ հնարավոր են թերություններ, որոնք ընթացքում շտկվում են»: Բայց նկատենք, որ ընթացքում ոչինչ չի շտկվել: Լույսերը կախված օրվանից ունեցել են նույն պատկերը, ու անհասկանալի է, թե միլիոնավոր գումարները որտեղ են ծախսվել տոնական զարդարանքի քողի ներքո:
Իսկ մենք էլ մշտապես խոսում ենք զբոսաշրջությունը խթանելու մասին, բայց չգործող լամպերով ի՞նչ գրավչություն»,-գրում է թերթը։
Մանրամասները՝ թերթի այսօրվա համարում:
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
ԲՏԱ նոր փոխնախարարը սովորել է Նիդերլանդներում
ՀՀ շրջանների մեծ մասում սպասվում է կարճատև անձրև և ամպրոպ, հնարավոր է կարկուտ
Ինչպե՞ս վարվել երկրաշարժի ժամանակ․ ՆԳ նախարարությունն իրազեկում է
Հյուրանոցներին աստղեր կշնորհի Հայաստանի հյուրանոցների ասոցիացիան
Առանց տեղումների եղանակ, երեկոյան սպասվում է կարճատև անձրև
Ղրղզստանում մեկնարկել է Եվրասիական միջկառավարական խորհրդի նեղ կազմով նիստը
Վարչապետ Փաշինյանի ելույթը Եվրասիական միջկառավարական խորհրդի նիստին
ՄԱԿ-ի անունից ցանկանում եմ վստահեցնել Ձեզ, Կառավարությանը և Հայաստանի ժողովրդին մեր շարունակական աջա...