Դաշնակցականների ավանդական մոմավառությունը՝ Ամանորի նախաշեմին
Դաշնակցության ներկայացուցիչներն այսօր՝ դեկտեմբերի 31-ին, ավանդույթի համաձայն, տարեմուտից անմիջապես առաջ հավաքվել են Եռաբլուրում` հարգանքի տուրք մատուցելու անմահ հերոսներին:
Մոմավառությանը մասնակցում են ՀՅԴ Հայաստանի երիտասարդական միության, «Նիկոլ Աղբալյան» ուսանողական միության եւ ՀՅԴ Հայաստանի Գերագույն մարմնի Ազատամարտիկների հանձնախումբը։
ՀՅԴ ՀԵՄ վարչության նախագահ Արգիշտի Գեւորգյանը NEWS.am-ի հետ զրույցում նշեց. «Երկար տարիներ շարունակ մենք դեկտեմբերի 31-ին միշտ գալիս ենք մեր ավագ ընկերներին շնորհավորելու, նրանց հուշը վառ պահելու։ Նպատակը միայն մեր ավագ ընկերներին հիշատակելը, նրանց անունը վառ պահելն է, իրենց ուխտը նորոգելը, որ իրենց գործը շարունակվում է»։
Լուրեր Հայաստանից - NEWS.am