Երաժշտությունը ստիպում է շիմպանզեներին պարել և ծափ տալ. հետազոտություն

Շիմպանզեները սիրում են երաժշտություն լսել, ծափահարել և պարել. երաժշտության ներքո կենդանիները սկսում են օրորվել և շարժել ոտքերը: Sky News-ի հաղորդմամբ՝ նման եզրահանգման են եկել ճապոնացի գիտնականները, որոնք փորձեր են կատարել կապիկների հետ:

Գիտափորձին 7 շիմպանզե է մասնակցել՝ 3 արու և 4 էգ: Վեց օրերի ընթացքում մասնագետները կենդանիների համար հատուկ ընտրված երկու րոպե տևողությամբ երաժշտություն են միացրել և հետևել են կապիկների վարքին:

Արդյունքները ցույց են տվել, որ շիմպանզեները ռիթմի որոշակի զգացողություն ունեն: Մեղեդին լսելիս նրանք թեթևակի օրորում էին գլուխն ու մարմինը, իսկ առանձին դեպքերում նաև ծափ էին տալիս և պարում էին:

Գիտնականները պարզել են նաև, որ արուներն առավել ռիթմիկ են և ակտիվորեն էին արձագանքում: