21-րդ դար, Հայաստան, Գեղարքունիք. մեր բարքերն ու մակարդակը (Տեսանյութ)
Մայիսի լույս 7-ի գիշերը Գեղարքունիքի մարզի Ծովասար գյուղում սպանություն է կատարվել:
Նույն օրը, ժամը 3.30-ին ոստիկանության Մարտունու բաժին է եկել նույն գյուղի բնակիչ 48 ամյա Կամո Ս.-ն եւ հայտնեց, որ մոտ կես ժամ առաջ տանը՝ ննջասենյակում, մանեկային բանալիով բազմաթիվ հարվածներ է հասցրել 44-ամյա կնոջ գլխին ու սպանել։
Բաժնի ոստիկանները դեռեւս 3 տարի առաջ առիթ ունեցել էին գործ ունենալ Կամո Ս.-ի հետ։ Այն ժամանակ միջադեպի հնարավոր հետեւանքը հաջողվել էր կանխել։
Օպերատիվ քնչական խումբը մեկնել է դեպքի վայր եւ ննջասենյակում անկողնում պառկած գլխին ստացած վնասվածքներից անշարժացած հայտնաբերել Նինել Ս.-ի մարմինը: Նույն սենյակում էլ հայտնաբերվել է հանցագործության գործիքը՝ ավտոմեքենայի մանեկային բանալին, որն առգրավվել է։
Սպանության պատճառը Կամո Ս.-ն բացատրել է խանդով։ Նա երեք տարի առաջ, դարձյալ մայիսին, բարեկամի երեխային բարուրից հանել, տարել էր ձոր. բարեբախտաբար հաջողվել էր երեխային փրկել։ Իսկ այս մայիսի 6-ի երեկոյան տանը երեքով էին՝ ամուսիններն ու հարսը։ Կամոյի որդին արտագնա աշխատանքի է մեկնել, մանեկային բանալի էլ որդու մեքենայինն է։
Հարսը, այդ օրն էլ, տեսնելով որ ամուսինները խաղաղ զրուցում են, գնացել է իր սենյակ ու քնել։ Բայց ինչ որ բան Կամո Ս.-ի ուղեղում արթուն էր։
Հարուցվել է քրեական գործ։ Կատարվում է նախաքննություն։