Մարինա Սարմոսյանին կալանավորել են. Մոսկվայի ծննդատանը կիրառել են «ագրեսիվ ծննդաբերություններ»
Մոսկվայում կալանավորվել է Ս.Ի. Սպասոկուկոցկու անվան քաղաքային կլինիկական հիվանդանոցի ծննդատան վարիչ Մարինա Սարմոսյանը։ Կնոջը մեղադրում են մոր արգանդից երեխաներին դուրս բերելու ժամանակ նրանց վնասելու մեջ, իբր, բժիշկն ու նրա ենթակաները հրաժարվել են կեսարյան հատում անել պացիենտներին ծանր ծննդաբերություների ժամանակ եւ ստիպել են ծննդաբերել բնական ճանապարհով՝ երեխային ուժով դուրս բերելով։ Նախնական տվյալներով՝ «ագրեսիվ ծննդաբերությունների» հետեւանքով մի նորածին մահացել է, մյուսները ծանր վնասվածքներ են ստացել։
Ս.Ի. Սպասոկուկոցկու անվան քաղաքային կլինիկական հիվանդանոցի ծննդատան նախկին վարիչ Մարինա Սարմոսյանին կալանավորել են ծննդկաններին ոչ պատշաճ ծառայություններ մատուցելու գործով։ Այս մասին «Газете.Ru»-ին տեղեկացրել են Սավելովյան դատարանի մամուլի ծառայությունում։
Կնոջը կալանավորել են այն բանից հետո, երբ դեկտեմբերի 6-ին հաստատություն է այցելել Առողջապահության մայրաքաղաքի դեպարտամենտը. ստուգումը կազմակերպվել էր պացիենտների բազմաթիվ բողոքների հիման վրա։ «Նրանց մերժել են կեսարյան հատում անել, ինչի հետեւանքով նորածին երեխաները վնասվածքներ են ստացել արգանդից դուրս բերվելիս»,- ասել է ՏԱՍՍ-ին ուժային կառույցների աղբյուրը։
Նախնական տվյալներով՝ այդ ամենը տեղի է ունեցել ծննդատան՝ կեսարյան հատում չիրականացնելու ձգտման պատճառով, անգամ երբ դա անհրաժեշտ է եղել։ Վարիչն իբր հպարտացել է բնական ծնունդների իր վիճակագրությամբ, գրել է Telegram-կանալ Mash-ը։
Համաձայն ԶԼՄ-ների տեղեկությունների՝ չորս նորածիններից մեկը, որի ծնողները դիմել են իրավապահ մարմիններին, մահացել է, մյուս պացիենտը կլինիկական մահ է տարել, իսկ երրորդն արդեն մի քանի ամիս կոմայի մեջ է։
Սարմոսյանի զոհերից մեկն էլ դարձել է 39-ամյա Տատյանա Ույուսովան, նա հղիության առաջին ամիսներին Ս.Ի. Սպասոկուկոցկու անվան քաղաքային կլինիկական հիվանդանոցի ծննդատան հետ 260 հազար ռուբլու պայմանագիր է կնքել, պատմել է կինը «Վկոնտակտե» սոցցանցի իր էջում։
Մոսկվացի կնոջ խոսքով՝ նա «հիանալի հղիություն» է ունեցել՝ անալիզները եւ ուլտրաձայնային հետազոտությունները ոչ մի շեղում չեն նշել ոչ Ույուսովայի օրգանիզմում, ոչ պտղի մոտ։
Երբ ծննդաբերությունն սկսվել է, կնոջը կեսարյան հատում է անհրաժեշտ եղել, բայց մանկաբարձները սկսել են համոզել նրան էպիդուրալ անեսթեզիա անել (ներարկում մեջքից, որը հանգեցնում է ցավի զգացողության կորստի), որպեսզի ծննդաբերի բնական ճանապարհով։ «Հետո սկսվեց ծննդաբերությունը, համոզում էին էպիդուրալկա անել, չափաբաժնի չարաշահում եղավ, ու գնաց՝ օքսիտոցին ու լիքը անպետք միջամտություններ, զոռով դուրս բերել, բացվածքներ, վակուում, ուղեղի այտուց եւ կլինիկական մահ ագրեսիվ ծննդաբերական տակտիկայի պատճառով»,- հիշողությունները կիսել է կինը։
Նա ավելացրել է, որ երեխային իր օրգանիզմից ուժով դուրս բերելով զբաղվում էին երեք «մուժիկ»։ Արժե նշել, որ պտուղն այս եղանակով դուրս բերելու այս մեթոդը պաշտոնապես արգելվել է Ռուսաստանում 1992 թվականին բարձր վտանգավորության պատճառով։
Արդյունքում՝ Ույուսովայի երեխայի մոտ առաջ են եկել բազմաթիվ հիվանդություններ՝ մանկական ցերեբրալ կաթվածից մինչեւ էպիլեպսիա։ «Հակաբիոտիկներով հարկադրական ագրեսիվ բուժման պատճառով նա բոլորովին քաշ չի հավաքում։ Ի՞նչ արժանիքի համար են այս անգրագետ մարդիկ աշխատում ծննդատներում եւ կործանում մեր երեխաներին։ Այնպիսի բժիշկները, ինչպիսին Սարմոսյանն է, պետք է բանտ նստեն, այլ ոչ թե հեռուստատեսությամբ ելույթ ունենան։ Նրանք հպարտանում են, որ կեսարյան հատումներն իրենց մոտ 13 տոկոս են։ Դրա գինը երեխաների կյա՛նքն է»,- ընդգծել է կինը։
Եվս մեկ տուժող է դարձել մայրաքաղաքի բնակիչ Մարիա Կասատկինան: Նա Սարմոսյանի մոտ մասնաճյուղ է ընդունվել 2019 թվականի փետրվարին. կնոջ խոսքով՝ ինքն էպիդուրալ անզգայացման ցուցումներ չուներ, սակայն բժիշկները, միեւնույն է, դեղամիջոցը ներարկել են, փոխանցել է kp.ru-ի կայքը:
Արդյունքում մանկաբարձները Կասատկինայի մոտ գրանցել են ծննդաբերական թույլ գործունեություն (անբավարար ուժ եւ արգանդի մկանների կրճատումների տեւողություն, որոնք թույլ չեն տալիս պտուղը հանել): Բժիշկները կրկին որոշել են երեխային սեղմելով հանել արգանդից, ինչի հետեւանքով նորածինը վնասվածք է ստացել, որն արտահայտվել է գանգի ոսկորների եւ վերոսկրի միջեւ արյան զեղմամբ: Երեխան 10 ամիս շարունակ հիվանդանոցում է եւ սնվում է զոնդով: «Բժիշկների պատճառով իմ երեխան հաշմանդամ է դարձել»,- kp.ru-ի հետ զրույցում ամփոփել է Կասատկինան:
Համանման խախտումների փաստով հաստատությունից հեռացվել են ինչպես Սարմոսյանը, այնպես էլ ծննդատան բոլոր բաժանմունքների ղեկավարները, հայտնել են առողջապահության դեպարտամենտից:
Ընդ որում՝ գերատեսչության աշխատակիցները հիվանդանոցում խախտումների վերաբերյալ ստուգումներ են կատարում: «Դրանից հետո նրանք նաեւ մեր բաժանմունք են եկել, ամբողջ հիվանդանոցն են ստուգում: Բայց եթե բարեխղճորեն եւ կանոնների համաձայն աշխատեն, ապա խախտումներ չպետք է լինեն»,- ասել է Ս. Ի. Սպասոկուկոցկու անվան քաղաքային կլինիկական հիվանդանոցի աշխատակից Եկատերինա Մորոզովան:
Մի քանի տուժողներ դիմել են Պացիենտների պաշտպանների լիգա, հայտնել են կազմակերպությունների: «Նրանք մեզ մոտ եկան դեկտեմբերի 7-ին: Անհրաժեշտության սահմաններում նրանց խորհրդատվություն ենք տալու, նրանք նաեւ շուտով ծննդատնից փաստաթղթեր կբերեն, որ մենք դրանք ուսումնասիրենք: Այս հաստատության բժիշկներն օգտագործում են ծննդաբերության ագրեսիվ մեթոդներ, ինչին պացիենտներն, իհարկե, պատրաստ չեն»,- «Գազետային» ասել է Լիգայի նախագահ Ալեքսանդր Սավերսկին:
Նրան նաեւ վրդովել է այն հանգամանքը, որ հասարակական արձագանք առաջացրած տեղեկությունների հայտնվելուց մեկ ամիս առաջ՝ նոյեմբերի 18-ին, առողջապահության դեպարտամենտը Ս. Ի. Սպասոկուկոցկու անվան քաղաքային կլինիկական հիվանդանոցի մոսկովյան ծննդատանը տվել էր Առողջապահության համաշխարհային կազմակերպության եւ ՅՈՒՆԻՍԵՖ-ի միջազգային կարգավիճակ:
«Այն, որ գերատեսչությունը այս նշանն է տվել, առաջացնում է, մեղմ ասած, տարակուսանք: Ավելին՝ երկար ժամանակ դեպարտամենտից չէին արձագանքում պացիենտների բողոքներին, եւ սա պետության անչափ կարեւոր խնդիրն է»,- ամփոփել է Սավերսկին:
Միաժամանակ համացանցում է հայտնվել բժշկի պաշտպանության հանրագիր, որը ստեղծել է նրա դուստր Թամարա Մարգարյանը. այս պահին այն ստորագրել է մոտ 5,8 հազար մարդ:
«Մայրս Մոսկվայում մանկաբարձ-գինեկոլոգ է աշխատում 20 տարուց ավելի, նա բժշկագիտության թեկնածու է, ստացել է մեծ թվով պատվոգրեր ու դիպլոմներ: Թիվ 27 ծննդատանը նրա աշխատելու ժամանակ լույս աշխարհ են եկել ավելի քան 5 հազար նորածիններ, ծննդատունը եւ նրա կոլեկտիվը արժանացել են տարբեր պատվոգրերի եւ շնորհակալագրերի»,- ի պաշտպանություն բաժանմունքի նախկին ղեկավարի նշել է նա «Վկոնտակտե»-ի իր էջում: