Մի շարք որոշումների արդյունքում Երեւանի բյուջեն կկրճատվի 158 մլն 272 հազ. դրամով

Երեւանի բյուջեի եկամուտները 2019 թվականին կավելանան 3 մլրդ 307 մլն դրամով, ծախսերը՝ 3 մլրդ 149 մլն դրամով, իսկ դեֆիցիտը կկրճատվի 158 մլն 272 հազ. դրամով։ Նոյեմբերի 26-ին համապատասխան որոշում կայացվել է Երեւանի ավագանու նիստում։

Նշվում է, որ վարկերի գումարը, որ տրամադրվել են Երեւանի քաղաքապետին մի շարք ծրագրերով, այդ թվում քաղաքի կայուն զարգացման ներդրումային ծրագրով՝ Ասիական բանկի աջակցությամբ, ավելացել է 3 մլրդ 300 մլն դրամով։ Ելնելով վերն ասվածից՝ անհրաժեշտություն է առաջացել շտկումներ մտցնելու բյուջեի ծախսերի եւ եկամուտների հատվածներում՝ հետեւյալ ծրագրերին համապատասխան։ Մասնավորապես, առաջարկվում է կրճատել Ասիական բանկի աջակցությամբ քաղաքի կայուն զարգացման ներդրումային ծրագրի ծավալը 933 մլն դրամով, կրճատել Եվրոպական ներդրումային բանկի աջակցությամբ իրականացվող «Կոշտ թափոնների կառավարումը» ծրագրի ծավալը 455 մլն 418 մլն դրամով, կրճատել Վերակառուցման եւ զարգացման եվրոպական բանկի աջակցությամբ իրականացվող «Կոշտ թափոնների կառավարման» ծրագրի ծավալը 848 մլն 161 հազ. դրամով, ավելացնել «Երեւանի քաղաքային լուսավորությունը» նախագծի գումարը, որն իրականացվում է Վերակառուցման եւ զարգացման եվրոպական բանկի աջակցությամբ 1 մլրդ 303 մլն դրամով։

4 մլրդ 233 մլն դրամով կավելանա Ասիական բանկի աջակցությամբ իրականացվող կայուն զարգացման ներդրումային ծրագրի վարկերի գումարը։ Նախատեսվում է նաեւ 7 մլն 827 հազ. դրամով ավելացնել ծրագրի «Թանգարանային ծառայություններ եւ ցուցահանդեսներ» եկամուտները, ինչը կապված է Երեւանի երեք թանգարաններում ակնկալվող մուտքերի ավելի բարձր մակարդակի հետ։

158 մլն 272 հազ. դրամով կկրճատվի «Երեւանյան էներգետիկ արդյունավետությունը» նախագծի ծավալը, որն իրականացվում է Եվրոպական ներդրումային բանկի աջակցությամբ։

33 մլն 272 հազ. դրամ կուղղվի «Փարքինգ Սիթի Սերվիս» ՓԲԸ-ին եւ 125 մլն դրամ՝ «Երեւան ավտոբուս» ՓԲԸ կանոնադրական կապիտալում բաժին ձեռք բերելուն։ Մի շարք որոշումների ընդունման արդյունքում Երեւանի բյուջեի դեֆիցիտը կկրճատվի 158 մլն 272 հազ. դրամով։