Չիկագոյում բացվել է Starbucks-ի սուրճի ամենամեծ թեմատիկ խանութը (լուսանկարներ)
ԱՄՆ Իլինոյս նահանգի Չիկագո քաղաքում նոյեմբերի 15-ին բացվել է սուրճ վաճառող խանութների և սրճարանների միջազգային «Սթարբաքս» ցանցի ամենամեծ «սուրճի թեմատիկ» խանութը, գրում է Insider-ը:
Հինգհարկանի հսկայական խանութն իր հաճախորդներին առաջարկում է սուրճի մեծ տեսականի, սուրճով պատրաստված կոկտեյլներ և անուշահամ խմորեղեն, խորտիկներ, սենդվիչներ և այլն:
Նորաբաց խանութն իր չափերով գերազանցում է ԱՄՆ-ի Վաշինգտոն նահանգում գտնվող գլխամասային գրասենյակ-խանութին:
«Ստարբաքսը» համարվում է աշխարհի խոշորագույն սուրճի խանութների ցանցը. այն 61 երկրներում ավելի քան 20 366 խանութ ունի:
