Մեգան Մարքլը պատմել է ընկերներին, թե որտեղ է ծննդաբերելու երկրորդ երեխային
Մեգան Մարքլը չի ցանկանում, որ իր երկրորդ երեխան լույս աշխարհ գա Մեծ Բրիտանիայում: Արքայազն Հարրիի կինը մտադիր է ծննդաբերել այլ երկրում, եւ ոչ ոք նրան չի կանգնեցնի:
Այս մասին հայտնում է woman.ru կայքը՝ հղում անելով դքսուհուն մոտ կանգնած աղբյուրներին։
ԶԼՄ-ների հավաստմամբ՝ Մեգանը եւ Հարրին երազում են երկրորդ երեխայի մասին։
Ըստ շշուկների՝ Մեգանը պատրաստվում է հեռանալ Մեծ Բրիտանիայից եւ հղիության վերջին ամիսներն անցկացնել օվկիանոսից այն կողմ: Հայրենիքում դքսուհին իրեն ավելի հարմարավետ է զգում։ Բացի այդ, ԱՄՆ-ում նա կարող է ավելի հաճախ ժամանակ անցկացնել մոր հետ, որին շատ է կարոտում։
«Մեգանն արդեն ընկերներին պատմել է, որ ցանկանում է ծննդաբերել Լոս Անջելեսում, որտեղ ինքն է ծնվել եւ մեծացել։ Նա ասել է, որ հղիության ընթացքում Մեծ Բրիտանիայում իրեն չափազանց անհարմար եւ միայնակ է զգացել առանց ընկերների եւ ընտանիքի»,—հայտնել է աղբյուր։
Հնարավոր է, Մեգանը կարծում է, որ ամերիկյան ԶԼՄ-ները իր հղիության ընթացքում այդքան խիստ չեն քննադատի իրեն, ինչպես դա արել են բրիտանական ԶԼՄ-ները։ Մշտակապես տագնապի մեջ չլինելու և ավելի հանգիստ լինելու համար Մարքլը պատրաստ է հերթական անգամ առաջացնել ամուսնու թագավորական հարազատների դժգոհությունը։
«Նա պատրաստ է խախտել ավանդույթը հանուն իր երջանկության, թեկուզ դա շատերին հանի հունից»,— հավելել է աղբյուրը։