Ռոման Բաբայանը՝ Մոսկվայի Դումայի պատգամավոր
Մոսկվայում ամփոփում են Դումայի երեկ՝ մեծամասնական համակարգով անցկացված ընտրությունների արդյունքները։ Պատգմավորական 45 մանդատի համար պայքար է մղել 225 թեկնածու։
Ընտրություների գլխավոր առանձնահատկությունը եղել է երկրի խոշորագույն՝ «Եդիանայա Ռոսիա» կուսակցությունից թեկնածուների բացակայությունը։ Կուսակցության անդամներն այս անգամ ինքնաառաջադրվել են։ Միջազգային դիտորդները դրական են գնահատել ընտրությունների ընթացքը։ Ընտրությունների գլխավոր առանձնահատկությունը եղել է էլեկտրոնային քվեարկության ներդրման փորձը։ Էլեկտրոնային եղանակով են քվեարկել 3 ընտրատարածքներում։ 2 անգամ գրանցվել է տեխնիկական խոտան, սակայն կա նաև դրական արդյունք՝ մասնակցության բարձր ցուցանիշ։
Այսպիսով՝ քվեաթերթիկների 99․47 տոկոսի հաշվարկի արդյունքներով՝ ինքնաառաջադրվածները դումայում կզբաղեցնեն 26 տեղ։ Կոմունիստական կուսակցությանը բաժին կհասնի 14, «Յաբլոկո» կուսակցությանը և «Արդար Ռուսաստանին»՝ 3-ական պատգամավորական մանդատ։ Ընտրություններին մասնակցությունը կազմել է 21,69 տոկոս։
Բացի այդ, պատգամավորական մանդատ կստանան լրագրող թեկնածուներ Ռոման Բաբայանն ու Մարիա Կիսելյովան, հայտնում է RIA Novosti-ն։