Ինքնասպանություն Կալիֆոռնիայի հյուրանոցներից մեկում. կան նաեւ տուժածներ
Մեկ կին մահացել է, եւս ինը մարդ տուժել են անհայտ նյութից թունավորման հետեւանքով ամերիկյան Կալիֆոռնիա նահանգի Սան Խոսե քաղաքի հյուրանոցում, հաղորդում է Fox News-ը:
Հրշեջները ստացել են հաղորդագրություն Ֆերմոն հյուրանոցի 19-րդ հարկում ինքնասպանության մասին:
Համարներից մեկում կնոջ դին հայտնաբերել է հյուրանոցի աշխատակիցը: Նա նաեւ զգացել է քիմիկատների ուժգին հոտ, որը Հրշեջ դեպարտամենտը նկարագրել է որպես «փտած ձվի հոտ»:
Դեպքի հետեւանքով թունավորման հատկանիշներով հոսպիտալացվել է հյուրանոցի յոթ աշխատակից եւ երկու հյուր: Նրանց կյանքին վտանգ չի սպառնում. տուժածների մոտ նկատվել են այնպիսի ախտանշաններ, ինչպիսիք են գլխապտույտը եւ շնչառության կանգը:
Ընդհանուր առմամբ հյուրանոցից տարհանվել է շուրջ 120 հյուր: