Թրամփը կլիմայի փոփոխության մասին. ես չեմ պատրաստվում հարստություն կորցնել հանուն երազանքի եւ հողմաղացների
ԱՄՆ հարստությունը հիմնված է էներգիայի վրա, եւ ինքը սպառնալիքի տակ չի դնի այն հանուն երազանքի եւ հողմաղացների։ Այս մասին ԱՄՆ նախագահ Դոնալդ Թրամփն ասել է՝ պատասխանելով կլիմայի փոփոխության մասին հարցին, տեղեկացնում է Reuters-ը։
«Միացյալ Նահանգները հսկայական հարստություն ունի։ Հարստությունը մեր ոտքերի տակ է։ Ես այդ հարստությունը կենդանի եմ դարձրել... Այժմ մենք էներգիայի թիվ 1 արտադրողն ենք աշխարհում, եւ շուտով ավելի առաջ կգնանք։ Ես չեմ պատրաստվում կորցնել այդ հարստությունը հանուն երազանքի եւ հողմաղացների, որոնք, անկեղծ ասած, այնքան էլ լավ չեն աշխատում»,- ավելացրել է նա՝ ասելով, որ ինքն էկոլոգ է եղել եւ պայքարում է հանուն մաքուր օդի եւ ջրի Երկրի վրա։