Արծիվը թռիչքի տեսահոլովակ է նկարահանել
Կանադացի բնագետ Ջիմի Յուտան սիրում է նկարահանել վայրի բնությունը: Մի օր նա գնաց Բրիտանական Կոլումբիայի Գրեմ կղզու ափը՝ նկարահանելու արծիվների կյանքը՝ իրենց բնական միջավայրում:
Յուտան ավազի վրա հում ձկների կույտ է դրել, թողել է GoPro շարժական տեսախցիկն ու թաքնվել անվտանգ հեռավորության վրա: Երկար սպասելու կարիք չի եղել. գիշատիչներն անմիջապես մոտեցել էին «խնջույքի սեղանին»:
Սակայն, քիչ էր մնում՝ բնագետի փորձը տապալվեր։ Թռչուններից մեկը որոշել է ոչ միայն ձուկը յուրացնել, այլև տեսախցիկը: Արծիվը, ճանկելով GoPro տեսախցիկը, թռել է լողափից: Յուտան կանգնած էր մոտակայքում, և նկատեց գողությունը:
Տղան ընդմիշտ հրաժեշտ տվեց տեսախցիկին, բայց երկու շաբաթ անց GoPro-ն վերադարձավ սեփականատիրոջը: Անանուն զբոսաշրջիկը լողափին զբոսնելիս նկատում է ավազին ընկած տեսախցիկը: Մեծ ջանքերով նա գտնում է սեփականատիրոջը և թանկարժեք կադրերով սարքը վերադարձնում։
«GoPro-ն, որը, ինչպես կարծում էի, արծվին նվիրեցի, տուն վերադարձավ: Ազնիվ զբոսաշրջիկը գտավ այն լողափում և իսկական հետախուզութուն սկսեց, որ վերադարձնի ինձ։ Ինչպես տեսնում եք, այն մի քանի մարտական վերքեր է ստացել, բայց աշխատում է», – գրել է Յուտան Ֆեյսբուքում:
Բաժանորդագրվեք Top-News.am-ին Telegram-ում