Ի՞նչ գործ ունի Արթուր Վանեցյանը Իջեւանում
«Իրատես» թերթը գրում է.
«Գաղտնիք չէ, որ իշխանափոխությունից հետո ազգային անվտանգության ծառայությունն սկսել է զբաղվել ամեն ինչով, այն դեպքում, երբ առանձին ստորաբաժանումներ կարող են հրաշալի իրականացնել այդ գործառույթը` ֆեյքերի դեմ պայքարից մինչեւ գազալցակայաններում ՀԴՄ չտրամադրողների, սեւազգեստների որս:
Երեկ էլ տեղեկություն տարածվեց, որ ԱԱԾ ղեկավար Արթուր Վանեցյանը եւս գնացել է Իջեւան: Պարզվեց, որ նա Տավուշի մարզպետարանում մասնակցելու է խորհրդակցության` Տավուշի մարզպետ Հայկ Չոբանյանի եւ համայնքի ղեկավարների, ինչպես նաեւ իրավապահ համակարգի ներկայացուցիչների մասնակցությամբ:
ԱԱԾ ղեկավարն այնտեղ հայտարարել է. «Անթույլատրելի է ցանկացած մի իրավիճակ, երբ ոստիկանության եւ առհասարակ իրավապահ մարմինների ներկայացուցիչների նկատմամբ կիրառվում է ուժ, եւ չեն ենթարկվում իրավապահների օրինական պահանջներին: Երկրորդ` ստեղծված իրավիճակն իրոք մտահոգիչ է եւ 2018 թվականի մայիսից հետո առաջին նման դեպքն է, պետք է ամեն ինչ արվի, որպեսզի մի կողմից պաշտպանվեն մեր քաղաքացիների շահերը, մյուս կողմից ապահովվի օրենքի անվերապահ կատարումը: Իմ այցելության հիմնական նպատակը դա է»:
Իրականում Վանեցյանի այցը նշանակում է, որ այս իրադարձություններում պետք է լինի ազգային անվտանգությանը սպառնացող խնդիր, իսկ եթե այդպես չէ, գործ ունենք ընդամենը հանցագործության հետ, որի համար կա ոստիկանություն: ԱԱԾ ղեկավարի մասնակցությունն այս ամենին փաստում է, որ երկրում չկա վերահսկողություն, եւ միայն ԱԱԾ-ով են հարցերը կարգավորվում:
Ի՞նչ է ստացվում, եթե հիմա մեկ այլ մարզում քաղաքացիները փողոց փակեն եւ, ասենք, հայտարարեն, թե անպայման Սեւանից ձուկ պիտի որսան, քանի որ եկամտի այլ աղբյուր չունեն, վերջում էլ բախում լինի ոստիկանների հետ, կրկին Արթուր Վանեցյա՞նն է խորհրդակցություն անցկացնելու տվյալ մարզում:
Իսկ գուցե ժողովրդի վարչապետ Նիկոլ Փաշինյա՞նը պետք է նման դեպքերում գնա «մեր» ոստիկանների ու իրեն ընտրողների հետ հանդիպելու, բացատրի, համայնքապետերի հետ խորհրդակցություն անցկացնի. ի վերջո, դա վարչապետի գործն է: Մարզային այցելությունները չեն ենթադրում միայն բիզնես ֆորումներ ու համադամ բարիքների համտես: Տարիներով արմատացած խնդիրներ կան, ինչու՞ են ԱԱԾ ղեկավարին գործուղում այնտեղ, որտեղ իրականում վարչապետը պետք է լիներ»:
Առավել մանրամասն՝ թերթի այսօրվա համարում
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Ինչպե՞ս է հայկական քարթինգը հաղթահարում դժվարությունները
Ջրափրկարարները քաղաքացուն անվնաս դուրս են բերել ափ
Տաթև համայնքի նախկին ղեկավար Մուրադ Սիմոնյանից կբռնագանձվի 4 միլիոն 454 հազար դրամ
2025 թվականին Հայաստանը ԵԱՏՄ–ին ավելի շատ վճարել է, քան ստացել միությունից
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Շվեդիայի Ռիկսդագի խոսնակը շնորհավորել է Ռուբեն Ռուբինյանին՝ ՀՀ ԱԺ նախագահի պաշտոնում ընտրվելու կապակ...
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում