Զելենսկին առաջարկել է Պուտինին հանդիպել Մինսկում
Ուկրաինայի նախագահ Վլադիմիր Զելենսկին առաջարկել է իր ռուս գործընկեր Վլադիմիր Պուտինին հանդիպել Մինսկում, հայտնում է «ՌԻԱ Նովոստի» գործակալությունը:
«Կարծում եմ՝ Ալեքսանդր Լուկաշենկոն հաճույքով կընդունի մեզ»,-ասել է նա:
Ուկրաինայի նախագահը պարզաբանել է, որ հանդիպմանը պետք է մասնակցեն նաև ԱՄՆ նախագահ Դոնալդ Թրամփը, Ֆրանսիայի նախագահ Էմանուել Մակրոնը, Գերմանիայի կանցլեր Անգելա Մերկելը և Մեծ Բրիտանիայի պաշտոնից հեռացող վարչապետ Թերեզա Մեյը:
«Հարկավոր է խոսե՞լ: Հարկավոր է: Եկեք քննարկենք՝ ումն է Ղրիմը, և ով չկա Դոնբասում»,- ասել է Զելենսկին:
Կրեմլն արդեն արձագանքել է նախաձեռնությանը: Պուտինի մամուլի խոսնակ Դմիտրի Պեսկովն ասել է, որ Մոսկվայում կդիտարկեն առաջարկը, և հավելել է, որ անհրաժեշտ է հասկանալ՝ նման երկխոսությունն ունի արդյոք հեռանկար: