«Դու ինչ ներդրող ես, որ չես կարողանում մի տասը օդանավ գնել»

Շվեդերեն եւ նորվեգերեն հասկացող, բայց չխոսող Հայաստանի քաղաքացիական ավիացիայի կոմիտեի նախագահ Տաթեւիկ Ռեւազյանը չի դադարում զարմացնել:

Ըստ համառորեն շրջանառվող լուրերի, վերջերս նա աշխատասենյակից դուրս է հրավիրել մի պոտենցիալ ներդրողի, որը պատրաստակամություն է հայտնել Երեւանից դեպի Եվրոպա երկու ուղղություններով կանոնավոր թռիչքներ կազմակերպել:

Ներդրողն ասել է, թե պատրաստ է վարձակալությամբ ձեռք բերել 5-6 բարձրակարգ օդանավեր, որից հետո Տաթեւիկ Ռեւազյանը, ըստ նույն աղբյուրների, քմծիծաղ է տվել եւ ասել՝ դուք ի՞նչ ներդրող եք, որ մի տասը օդանավ չեք կարողանում գնել:

Բնականաբար, այս արտահայտությունը լսելուց հետո ներդրողը հեռացել է, այլեւս Հայաստանում որեւէ ներդրում չանելու խոստումով, իսկ նա, ով այդ ներդրողին համոզել էր Հայաստանում կոնկրետ քայլեր իրականացնել, նույնպես որոշել է այլեւս որեւէ մեկին չհամոզել Հայաստանում ներդրումներ անել:

Top-News.am