Թրամփը խոստացել է, որ շուտով ամերիկացիներն իրենց դրոշը կտեղադրեն Մարսի վրա (լուսանկարներ)
ԱՄՆ նախագահ Դոնալդ Թրամփը հայտարարել է, որ ԱՄՆ տիեզերագնացները շուտով կվերադառնան Լուսին, իսկ հետո կթռչեն Մարս, որտեղ էլ կտեղադրեն իրենց երկրի դրոշը, գրում է ria.ru-ն:
Հիսուն տարի առաջ՝ 1969 թվականի հուլիսին, ամերիկացի տիեզերագնացներն առաջին անգամ վայրէջք կատարեցին Լուսնի վրա և այնտեղ տեղադրեցին ԱՄՆ-ի դրոշը:
2018 թվականին Թրամփը Բարաք Օբամայի օրոք կասեցված լուսնային ծրագրի փաստացի վերականգնման վերաբերյալ հրամանագիր է ստորագրել:
Նախագահի խոսքով՝ ԱՄՆ-ն ոչ միայն Լուսնի վրա կթողնի իր դրոշն ու հետքը, այլև հնարավորություն կստեղծի դեպի Մարս թռիչքի համար:
«Մենք պատրաստվում ենք շատ շուտով Լուսին վերադառնալ, իսկ դրանից հետ Միացյալ Նահանգների դրոշը կտեղադրվի Մարսի վրա»,-հայտնել է Թրամփը՝ ԱՄՆ-ի Անկախության օրվան նվիրված միջոցառման ժամանակ:
