Ինքնասպանության փորձից հետո Նազարբաևի թոռանը դատում են Լոնդոնում
Սաութուարքի թագավորական դատարանը քննում է Ղազախստանի նախկին նախագահ Նուրսուլթան Նազարբաևի թոռան՝ 28-ամյա Այսուլթան Նազարբաևի գործը, համաձայն որի՝ երիտասարդը մեղադրվում է ոստիկանին մարմնական վնասվածքներ հասցնելու համար:
Ինչպես հայտնում է akipress.com-ը, Նազարբաևի թոռը փորձել է հունիսի 5-ին ինքնասպան լինել, սակայն երբ ոստիկանը փորձել է խանգարել նրան, երիտասարդը շատ ուժեղ կծել է իրավապահ մարմինների ներկայացուցչին:
Նշվում է, որ երիտասարդը փորձել է ինքնասպան լինել իր ծանոթներից մեի բնակարանում. նա սպառնացել է ցած նետվել պատշգամբից: Դեպքի վայր ոստիկանություն է կանչվել: Երբ իրավապահներից մեկը փորձել է նրան օգնել, Նազարբաև կրտսերը մարմնական վնասվածքներ է նրան պատճառել:
Տեղեկությունը հաստատել են նաև Սքոթլենդ Յարդում:
Դատարանի դահլիճում ասվել է նաև, որ ինքնասպանության փորձից երկու օր առաջ ոստիկանություն էր կանչվել այն հյուրանոց, որտեղ կանգ է առել երիտասարդը:
Մինչդեռ Այսուլթան Նազարբաևի ընկերոջ պատմելով՝ նախկին նախագահի թոռն ամենևին էլ չի փորձել ինքնասպան լինել: Նա բանալիները մոռանալու պատճառով դրսում մնացած ծանոթ աղջկա խնդրանքով պատուհանից մտել է նրա բնակարան: Այդ պահին նրան նկատել է բնակիչներից մեկն ու, մտածելով, թե երիտասարդն ինքնասպանության փորձ է անում, ոստիկանություն կանչել:
«Ոստիկանները ժամանեցին հենց այն պահին, երբ մենք արդեն բնակարանում էինք: Լոնդոնցի ոստիկաններին կատարվածի էությունը ներկայացնելու բոլոր փորձերն ապարդյուն էին: Նրանք պարզապես մեզ չէին լսում և ցանկանում էին բոլորիս բաժանմունք տանել»,-պատմել է ընկերը՝ հավելելով, որ ստեղծված իրավիճակում Այսուլթան Նազարբաևի և ոստիկանների միջև թեժ վեճ է եղել, որը դիտարկվել է որպես դիմադրություն իրավապահ մարմիններին:
Տարիներ առաջ Նազարբաև կրտսերը խոստովանել էր, որ հոր ինքնասպանությունից հետո սկսել է թմրանյութեր օգտագործել:
Բաժանորդագրվեք Top-News.am-ին Telegram-ում